बुधवार सार्वजनिक भएको २०७८ को एसईईको नतिजा अनुसार प्यूठान जिल्लामा सबैभन्दा बढी जिपिए कालिका अंग्रेजी आवासीय माध्यमिक विद्यालयमा अध्यनरत छात्रा मनसुन पाण्डेको ल्याएकी छिन ।

पाण्डेले ४ जिपिए प्राप्त गरी जिल्ला प्रथम भएकी हुन् । शिक्षा विकास तथा समन्वय इकाई प्यूठानका अनुसार दोस्रो स्थानमा लोक चेतन इङलिस बोर्डिङ स्कुलका बिकास रिजालले ३.९० जिपिए प्राप्त गरेका छन् । त्यस्तै प्यूठान भ्याली एकेडेमीका योगेश भण्डारीले ३ं.८५ जिपिए ल्याउन सफल भएका छन ।

सार्बजनिक भएको एसईई परीक्षामा प्यूठानबाट ४ हजार २ सय ६ जना विद्यार्थी परीक्षामा सहभागी भएका थिए । यस मध्य १३ जनाले ए प्लस ल्याएको शिक्षा विकास तथा समन्वय इकाई प्यूठानका प्रमुख शिव पाण्डितले बताए । ६८ जनाले ए, १ सय ९५ जनाले बी प्लस, ६ सय १७ जनाले बी, १ हजार ६ सय ६१ जनाले सी प्लस, १ हजार ३ सय ९३ जनाले सी, १ सय ९ जनाले डी ग्रेड ल्याएका छन् । १ सय ५० जना विद्यार्थी परीक्षामा सामेल भएका थिएनन् ।

जिल्ला प्रथम हुने मनसुन पाण्डे को हुन् ?
मनसुन पाण्डे कालिका अंग्रेजी आवासीय माध्यमिक विद्यालयकी अध्यनरत छात्रा हुन । उनले कक्षा १ देखिनै कालिकामै पढेकी हुन् । प्यूठान नगरपालिका ८ मा घर भइकी पाण्डे बुबा आमासंगै प्यूठान नगरपालिका ४ स्थित टारीमा डेरामा बसेर कालिकामा अध्यायन गर्दथिइन् । पाण्डेका बाबुआमा सोही विद्यालयमै अध्ययापन गर्दछन् । सरसफाई र अनुशासनमा अब्वल मनसुन पाण्डे कक्षा १ देखि नै प्रथम हुँदै आउने गरेको कालिकाका प्रध्यानाध्यापक दुर्गाबहादुर गुरुङले बताए ।