सरुमारानी गाउँपालिका तथा वडाका कर्मचारीहरुबिच फुटवल प्रतियोगिता सम्पन्न भएको छ । निजामती कर्मचारी सेवा दिवस २०७९ को अवसरमा गाउँपालिकास्तरिय फुटवल प्रतियोगिता बुधबार राति सम्पन्न भएको हो । “व्यवसायिक र सृजनशील प्रशासन,विकास समृद्धि र सुशासन “ भन्ने नारा सहित दिवसको अवसरमा विभिन्न प्रतियोगिता तथा खेलहरु संचालन गरिएको थियो ।

फुटवल खेल सहित महिला कुर्ची दौड प्रतियोगिता र हाजिरी जवाफ प्रतियोगिता संचालन गरिएको थियो ।
गाउँपालिका मातहतमा कार्यरत ११ जना कर्मचारीहरुलाई उत्कृष्ट कर्मचारीको रुपमा सम्मान तथा पुरस्कृत समेत गरिएको छ ।

साथै दिवसको अवसरमा रक्तदान कार्यक्रम समेत गरिएको थियो । कार्यक्रममा २ जना जनप्रतिनिधि , १४ कर्मचारी र १ जना सेवाग्राही गरि १७ जनाले रक्तदान समेत गरेका थिए ।

सरूमारानि गाउँपालिका प्रमुख प्रशासकिय अधिकृत चिन्तामणि रेग्मीको अध्यक्षतामा, गाउँपालिकाका आदरणिय अध्यक्ष झगबहादुर विश्वकर्माको प्रमुख आतिथ्यता एवम् गाउँपालिका मातहतमा कार्यरत कर्मचारी र जनप्रतिनिधीको उपस्थिती रहेको कार्यक्रमको संचालन प्रशासन शाखाका अधिकृत लक्षमण आचार्यले गर्नुभएको थियो ।