News Portal

रेडियो सुन्नुहोस्

पवित्र धार्मिक स्थल स्वर्गद्वारी मन्दिरका गाईका लागि दाना सहयोग

सिखबर संवाददाता४ वैशाख
१०२१ पटक
४ वैशाख

प्युठानको प्रमुख धार्मिक तथा पर्यटकिय स्थल स्वर्गद्वारी मन्दिरमा रहेका गाईहरुका लागि दाङका स्थानिय युवाहरुले दाना सहयोग गरेका छन्।
कोरोना भाइरस संक्रमणकोकारण मुलुक लकडाउन भएकाले गाईहरुका लागि आवश्यक दाना आयातमा समस्या भई दानाको अभाव नहोस भन्ने उद्देश्यले दाङका ११ जना युवाहरुको सक्रियतामा गाईलाई खुवाउने दाना हस्तान्तरण गरेको उनीहरुले बताएका छन्।
घोराही उपमहानगरपालिका रामपुर निवासी शिवराज रेश्मीको पहलमा ३५ हजार १६ रुपैयाँ बराबरको गाईलाई खुवाउने दाना खरिद गरी स्वर्गद्वारी आश्रम झिगौराका अध्यक्ष गोबिन्द न्यौपानेलाई हस्तान्तरण गरेको रेश्मीले बताउनुभयो।
मन्दिरमा भक्तजनले चढाएको भेटिबाट चल्ने आश्रममा अहिले लकडाउनका कारण भक्तजनहरु मन्दिरमा नआउँदा आर्थिक समस्या भएको भन्दै झिगौराका अध्यक्ष न्यौपानेले गाईलाई दाना दिएर ठूलो धर्म गरेको बताउनुभयो। स्वर्गद्वारी आश्रमका विभिन्न शाखामध्ये दाङ देउखुरीमा १ सय ५०, घोराही झिगौरामा ६० र स्वर्गद्वारी मन्दिरमा ३ सय ९० वटा गरी ६ सय गाईहरु रहेको न्यौपानेले जानकारी दिनुभयो। गाईहरुका लागि अहिलेसम्म दानाको अभाव भएको छैन अब लकडाउन पनि लम्बिने र भक्तजन पनि मन्दिर नआउने अवस्था भएकाले ठुलो समस्या आउन सक्ने भन्दै सक्दो सहयोग गर्न सबैलाई आग्रह समेत गर्नुभएको छ।
दाङका स्थानिय घोराही उपमहानगरपालिका वडा नं. १८ का पदम प्रसाद भट्टराईले ५ हजार ५ सय, सोही ठाउँ निवासी बीर बहादुर रावतले ५ हजार, घोराही उपमहानगरपालिका वडा नं. ४ का नारायण प्रसाद शर्मा ५ हजार ५ रुपैयाँ, घोराही उपमहानगरपालिका वडा नं. १४ निवासी एकनारायण पौडेलले ५ हजार १ रुपैयाँ, घोराही उपमहानगरपालिका वडा नं १८ निवासी आदित्य प्रसाद भट्टराई ३ हजार ५ रुपैयाँ, सोही ठाउँ निवासी भरत अर्याल(शिव)ले १ हजार रुपैयाँ, घोराही उपमहानगरपालिका वडा नं १५ निवासी शिवराज रेश्मीले ३ हजार रुपैयाँ, घोराही उपमहानगरपालिका वडा नं १० निवासी सन्दिप रजौरेले ३ हजार रुपैयाँ, उपमहानगरपालिका वडा नं १५ कै युवराज पोखरेलले २ हजार ५ सय ५ रुपैयाँ, गुल्मीको मदाने गाउँपालिका ७ स्थायी घर भएका हाल दाङमा बस्दै आएका बिशाल पोखरेलले १ हजार रुपैयाँ र धनगढी स्थायी घर भई अहिले दाङ बस्दै आएका सुमन ओलीबाट १ हजार रुपैयाँ गरी ३५ हजार १६ रुपैयाँ जम्मा भएको रकमबाट दाना खरिद गरिएको पहलकर्ता शिवराज रेश्मीले बताउनुभयो।

प्रतिकृया दिनुहोस्

गाउँपालिकाको टिमले गर्‍यो मार्सिवाङ खेलमैदान सरसफाई

माण्डवी गाउँपालिकाले मार्सिवाङ खेलमैदान सरसफाई गरेको छ । गाउँपालिकाले गत विहिबार देखि हिजो शनिबारसम्म सञ्चालन...

प्रथम अध्यक्ष कपको उपाधि सुनिलस्मृति रोल्पालाई

माण्डवी गाउँपालिकाले आयोजना गरेको प्रथम अध्यक्ष कप राष्ट्रव्यापी अन्तर स्थानीय तह पुरुष भलिबल प्रतियोगिताको उपाधि...

प्यूठानमा विश्व एड्स दिबसमा स्वास्थ्यकर्मी र समाजसेवी सम्मानित भए

समुदायको नेतृत्वमा एड्स अन्त्य गरौ भन्ने मुल नाराका साथ ३६ औ विश्व एड्स दिवसका अवसरमा...

प्रथम अध्यक्ष कप पुरुष भलिबल प्रतियोगिता माण्डवी गाउँपालिकामा सुरु

प्रथम अध्यक्ष कप पुरुष भलिबल प्रतियोगिता माण्डवी गाउँपालिकामा सुरु भएको छ । “स्वास्थ्यको लागि खेलकुद,...

कानुनको पालना र सरकारी आम्दानिका लागि हुलाकमार्फत ढुवानि सुनिस्चित गर्दैछौं: महानिर्देशक अधिकारी

हुलाक सेवा विभागले बिहिवार सरकारी चिठ्ठीपत्र र कागजात हुलाक मार्फत पठाउने सुनिश्चित गर्ने व्यवस्था सम्बन्धी...