प्रविधिमैत्री शिक्षक समाज प्यूठानले कोरोना महामारीकै अवस्थामा शिक्षकहरुका लागी १६ दिने कम्प्यूटर सम्वन्धि तालिम सञ्चालन गरेको छ।

प्रविधिमैत्री शिक्षा र शिक्षण विधिको अवलम्वन गर्ने र शिक्षकहरुलाई नयाँ प्रविधिमा दक्ष वनाउने उदेश्यले २ सय शिक्षकहरुलाई जुम सफ्टवेरको माध्यमवाट तालिम चलाईएको प्रविधिमैत्री शिक्षक समाज प्यूठानका सचिव ज्ञानहरी रिजालले जानकारी दिनुभयो।

श्रावण १० गतेदेखी सुरु भएको तालिम २५ गतेसम्म चल्नेछ। तालिममा माईक्रोसफ्ट वर्ड, एक्सल, पावरप्वाईन्ट, स्केज, मोवाईल एप्स र गुगल टुलका विषयमा सहजिकरण गरिने सचिव रिजालले वताउनु भयो।

वर्ड ५ दिन, एक्सल २ दिन, पावरप्वाईन्ट ५ दिन, स्केज र मोवाईल एप्स १ १ दिन र गुगल टुल २ दिन सिकाईने छ। ध्रुव गिरी, माधव पोख्रेल, शेरचन्द्र के.सी. अञ्जिल थापा, खगेन्द्र खत्री, कृष्णविक्रम शाह, ज्ञानहरी रिजाल र जयन्ता घिमिरेले सहजिकरण गर्ने रिजालले जानकारी दिनुभयो।