News Portal

रेडियो सुन्नुहोस्

स्वर्गद्वारीको नयाँ आकर्षणः फोहरासहितको स्वर्ग वाटिका

हरि भण्डारी७ माघ, स्वर्गद्वारी प्यूठान
११२३ पटक
७ माघ, स्वर्गद्वारी प्यूठान

पवित्र धार्मिक तथा पर्यटकिय स्थल स्वर्गद्वारीमा नयाँ आकर्षणको रुपमा वाटर फाउन्टेन (फोहरा सहितको) स्वर्ग वाटिका थपिएको छ। नेपाली सेनाको सामाजिक आर्थिक विकासका पुर्वाधार निर्माण कार्यक्रम अन्तरगत निर्मित उक्त वाटिका वुधवार नेपाली सेनाका १९ नं बाहिनीअड्डाका बाहिनीपती सहायक रथी मदन कुमार के.सी. ले स्वार्गद्वारी आश्रमलाई हस्तान्तरण गर्नुभएको छ।

नागरिक–सैनिक सम्वन्धलाई थप प्रभावकारी वनाउन उक्त कार्यक्रमको २५ लाख वजेटवाट आवश्यक सामाग्री खरिद गरि नेपाली सेनाकै जनशक्तिले उक्त वाटिका निर्माण गरेको हो। नेपाली सेना ईन्द्रध्वज गणको अगुवाई र डिभिजन वन कार्यालय प्यूठानसंगको सहकार्यमा निर्मित उक्त वाटिकाले स्वर्गद्वारी आउने पर्यटकलाई आराम सौन्दर्यता र मनोरञ्जन प्रदान गर्ने अपेक्षा गरिएको बाहिनी पती के.सी. ले वताउनु भयो। उहाँले पृथक र विशिष्ट रुपमा निर्माण गरिएको वाटिकाले स्वर्गद्वारी परिसरको सौन्दर्य र गरिमा वढाउन महत्वपुर्ण भुमिका खेल्नेमा आफु आशावादी रहेको वताउनु भयो।

स्वर्गद्वारी आश्रमका प्रमुख डा. धु्रव श्री रुद्रनन्द ब्रह्मचारीले स्वर्गद्वारी आउने पर्यटकका लागी वाटर फाउन्टेन यौटा नयाँ आकर्षण थपिएको भन्दै निर्माणको निम्ती नेपाली सेनालाई धन्यवाद व्यक्त गर्नुभयो। उहाँले स्वर्गद्वारी दर्शन गर्न आउने पर्यटकले थकान मेटन र मनोरञ्जन लिनका लागी आकर्षक बाटिकाले महत्वपुर्ण भुमिका खेल्ने भन्दै मन्दिर परिसरमा नयाँ आकर्षण थपिएको समेत वताउनु भयो।

नेपाली सेनाले सैनिक नागरिक सम्वन्धलाई प्रभावकारी वनाउन सामाजिक आर्थिक विकासका पुर्वाधार निर्माण कार्यक्रम नागरिकसंग प्रत्यक्ष जोडिएर गर्दै आएको छ। सोहि कार्यक्रम अन्तरगत आ.व. २०७६/०७७ को वजेटवाट उक्त वाटरफाउन्टेन सहितको वाटिका निर्माण गरिएको ईन्द्रध्वज गण खलंगा व्यारेकका गणपती प्रमुख सेनानी अर्नुनविक्रम थापाले वताउनु भयो। उहाँका अनुसार म्युजिकल वाटर फाउन्टेन, पैदलमार्ग, गेट, वरिपरी तारजाली, रेलिङ लगायतका संरचना निर्माण गरिएको छ।

भने, वाटिका निर्माण, गेट, टहराहरु निर्माण लगायतका लागी डिभिजन वन कार्यालय प्यूठानले आ.व. २०७६/०७७ को वजेटवाट ३५ लाख रुपैयाँ खर्च गरेको जिल्ला वन कार्यालय प्यूठानका रेञ्जर हरि पौडेलले वताउनु भयो।

प्रतिकृया दिनुहोस्

माण्डवी गाउँपालिकामा महोत्सव लाग्दै

प्यूठानको माण्डवी गाउँपालिका १ त्रिवेणीमा कृषि तथा पर्यटन प्रवद्धनका लागि प्रथम माण्डवी महोत्सव सञ्चालन हुने...

सामुदायिक विपद व्यवस्थापन समितिको क्षमता वृद्धि तालिम प्यूठान नगरपालिकामा

प्यूठान नगरपालिकामा समुदायको अगुवाईमा विपद जोखिम न्युनिकरण परियोजना अन्तर्गत सामुदायिक विपद व्यवस्थापन समितिको क्षमता वृद्धि...

नेपाल नेत्रज्योति संघको २८ औं स्थापना दिवसमा निशुल्क आँखा परीक्षण

नेपाल नेत्रज्योति संघको २८ औं स्थापना दिवसको अवसरमा निशुल्क आँखा परीक्षण गरिएको छ । मंगलबार...

रङ्गहरूको पर्व होली, पहाडी जिल्लाहरूमा हर्षाेउल्लासका साथ मनाइँदै

आज फागु पूर्णिमा अर्थात रङ्गहरूको पर्व होली, पहाडी जिल्लाहरूमा एकआपसमा हर्षाेउल्लासका साथ मनाइँदै छ ।...

डाक्टर महावीर पुन प्यूठानमा

राष्ट्रिय आविष्कार केन्द्रका संचालक वैज्ञानि डाक्टर महावीर पुन प्युठान अएका छन । आफ्नो जिवन काहानी...