प्यूठान नगरपालिकाले माण्डवी गाउँपालिकाको सीमाना चेनेटामा स्वागत गेट निर्माण गरेको छ । दुई वर्ष पहिले उपभोक्ता समिति मार्फत ५ लाख ५० हजार खर्च गरेर निर्माण गरेको गेटमा नगरपालिका भित्रका मुख्य मुख्य पर्यटकीय गन्तव्यहरुको तस्बिर राखिएका छन् । चेरनेटामा आएर यो गेट अवलोकन गर्ने पाहुनाहरुका लागि नगरपालिका भित्र घुम्ने स्थानहरुको चिनारी गेटले गराएको छ ।

गेटले नगरपालिकाको पहिचाहन झल्काएको छ । नगरपालिका भित्रको मुख्य पर्यटकीय गन्तव्य भित्रीकोट दरबार, ऐतिहासीक स्थल डल्ले सराय, झुलेनी, बाइसमुल बाइससधारा, कालिका मन्दिर, सिद्ध गुप्फा, गाजुरीको शहिद पार्क लगायत पर्यटकीय स्थलहरुको तस्बिर गेटमा राखिएका छन् । नगरपालिकाले पहिचाहन गरेर राखेका पर्यटकीय स्थलहरुमा पर्यटकीय पूर्वाधार निर्माणमा पनि नगरपालिकाले ध्यान दिनुपर्ने हुन्छ । पाहुनालाई त्यहाँ पुग्न लोभ्याउने पुग्दा सन्तुष्ट गराउन सकिएन भने राम्रो हुँदैन ।

गेटमा तस्बिर राखिएका पर्यटकीय स्थलहरुमा पछिल्ला केहि वर्ष यता देखि पर्यटकीय पूर्वाधार निर्माणका काम संघ, प्रदेश र स्वयम नगरपालिबाट भइरहेका छन् । पूर्वाधार निर्माण हु“दा कस्तो बनेको छ । गुणस्तर कस्तो छ भन्ने विषयमा नगरपालिका चनाखो हुनुपर्छ ।
प्यूठान नगरपालिका बाहेक जिल्ला अन्य स्थानीय तहरुले प्रवेशद्धार (सिमा क्षेत्रमा) गेट निर्माण गरेका छैनन् । यसरी दुई स्थानीय तहरुको सीमानामा प्रवेशद्धार (स्वागत गेट निर्माण गर्दा सीमा जोडीएको छिमेकी स्थानीय तहसंगको साझेदारीमा निर्माण गर्दा खर्च कम हुन सक्छ ।