News Portal

रेडियो सुन्नुहोस्

वर्षाका कारण रजवारामा भलिवल प्रतियोगिता अबरुद्ध

झुलेनी नेटवर्क२०७८ कार्तिक १, प्यूठान
२४५ पटक
२०७८ कार्तिक १, प्यूठान

लगातारको वर्षाका कारण गौमुखी गाउँपालिका ३ रजवारामा आयोजना भइरहेको खेलकुद कार्यक्रम अवरुद्ध भएको छ । सोमवार बेलुकासम्म कार्यक्रम सम्पन्न गर्ने भनिएपनि लगातारको झरीले प्रतियोगिता सञ्चालन हुन नसकेको तिखाचुली युवा क्लवका अध्यक्ष जोगिन्द्र मल्लले जानकारी दिए ।

उनका अनुसार हरेक वर्ष बिजयादशमीको अर्को दिनदेखि विविध खेलकुद कार्यक्रम आयोजना गरीदै आएको छ । शनिवारदेखि आयोजित कार्यक्रममा गौमुखी गाउँपालिकाको आर्थिक सहयोग र ३ वडा कार्यालयको सह आयोजनामा गाउँपालिका वडा स्तरिय प्रतियोगिता सञ्चालन भइरहेको छ ।

यो वर्ष प्रतियोगितामा प्यूठान, गुल्मी र बाग्लुङ जिल्लाका २१ टिम पुरुष भलिवल प्रतियोगितामा भाग लिएका छन् । प्रतियोगितामा प्रथम हुनेले ५० हजार, दोस्रो हुनेले ३० हजार र तेस्रो हुनेले २० हजार रुपैयाँ पुरस्कार पाउनेछन् । यस्तै महिला भलिवल प्रतियोगितामा ६ टिम सहभागी रहेका छन् ।

यसमा प्रथम हुनेले १५ हजार, दोस्रो हुनेले १० हजार र तेस्रो हुनेले ५ हजार पुरस्कार पाउने आयोजकले जनाएको छ । पुरुष भलिवलको पहिलो चरण सकिएको छ भने अर्को चरण सञ्चालन गर्न सकिएको छैन । त्यसैगरी महिला भलिवल खेल सञ्चालन गर्न समेत बाँकी रहेको छ । यस्तै घैटोफोर र हाँस पकड प्रतियोगिता समेत सञ्चालन गर्न बाँकी रहेको आयोजकले जनाएको छ ।

२०५७ सालदेखि लगातार रुपमा भलिवल प्रतियोगिता आयोजना गर्दै आएको क्लवले जिल्लामै पहिलो पटक महिला भलिवल प्रतियोगिता सञ्चालन गर्ने पहिलो संस्था हो । क्लवले खेलकुद कार्यक्रम आयोजना गर्न थालेको अहिले २२ वर्ष पुगेको छ ।

प्रतिकृया दिनुहोस्

हामीस‌ग जोडिनुहोस।

कहॉ रोकियो पर्यटकीय पदमार्ग ?

प्यूठानको स्वर्गद्रारीबाट गौमुखी पुग्ने पर्यटकीय पदमार्ग वर्षौ देखि अलपत्र परेको छ । पछिल्ला वर्षहरुमा केन्द्रिय,...

प्यूठानको गौँमुखीमा अरिङगालले टोकेर एक जनाको मृत्यु ,५ घाइते

प्यूठानको गौंमुखी गाउँपालिका ५ खुङमा अरिङगालले टोकेर एक जनाको मृत्यु भएको छ । पाँच जना...

शिक्षा पहिलो प्राथमिकतामा किन पर्दैन?

विषय प्रवेश : हरेक राजनीतिकर्मी, अधिकारकर्मी, समाजसेवी, बौद्धिककर्मीले विकास र समृद्धिका कुरा गर्दा, भाषण गर्दा...

जीवनकाे रङ्ग : बुटिक कलामा रम्दै मनि

फेशन डिजाइन र बुटिकले नङ र मासुको जस्तो सम्बन्ध कायम गरेको छ । फेसन डिजाइनिङ...

    हामिस‌ग जोडिनुहोस।

    समाचार सुचना र मनोरञ्जनका लागी