मित्र थापा२०७८ मंसिर ०६
२०७८ मंसिर ०६अर्खा माध्यमिक विद्यालय गौमुखी गाउँपालिका–१, प्यूठानले आज घर आगलागी पीडित विद्यार्थीलाई बिद्यालय ड्रेस (कपडा) सहयोग गरेको छ ।
गौमुखी गाउँपालिका–१, अर्खा निवासी नरु वितालुको गत मंसिर २१ गते तिहारको भाेलिपल्ट घरमा आगलागी भएको थियो । समुहलाई तिर्न भनि राखेको ५० हजार नगद सहित घरका अन्नबालि, लत्ताकपडा सबै जलेर नष्ट भएको थियो ।
उनका छोरा मनु वि.क. कक्षा १० र तिर्थ बहादुर बि.क. कक्षा ६ मा अध्ययनरत छन् । सोमबार उनिहरुलाई बिद्यालयले १÷१ सेट बिद्यालय ड्रेस तथा शैक्षिक सामग्री सहयोग गरेको छ ।
साथै अर्खा मा. वि. यूवा रेडक्रस सर्कलद्वारा विद्यालयमा कक्षा ४ देखि १० सम्मका बालबालिकालाई आफ्नो घर बाट १÷१ माना कोदो वा मकै अन्न बाली उठाई दिन समेत अनुरोध गरेको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
