करदाता सेवा कार्यालय जस्पुरमा स्थापना गरीएको नागरिक सहायता कक्ष प्रयोगमा नआउँदा सेवाग्राहीले सास्ती पाएका छन् । कार्यालयको आंगनमै सेवाग्राहिका लागि स्थापना गरीएको नागरीक सहायता कक्ष बनाएपनि यहाँबाट सेवाप्रवाह दिइएको छैन ।

माण्डवी गाउँपालिकाकाको जस्पुरमा रोल्पा र प्यूठानका सेवाग्राहीलाई कर सम्बन्धी सेवाका लागि करदाता सेवा कार्यालय स्थापना गरीएको छ । कार्यालयमा कर बुझाउने, स्थायी लेखा नं. दर्ता, नामसारी गर्ने लगायतका कार्यका लागि अनलाइन मार्फत हुने काममा नागरिकका लागि नागरिक सहायता कक्षा स्थापना गरीएको हो ।

यहाँ कक्ष सञ्चालनमा नआउँदा सेवाग्राहिले महंगो शुल्क तिरी बाहिर काम गर्नुपर्ने बाध्यता रहेको गुनासो गरेका छन् । सेवा लिन आएका एक जना व्यक्तिले भित्रैबाट हुने काम बाहिर अनलाइन गराउनुपर्ने बताए । नागरिक सहायता कक्षा स्थापना गरीएको भए निशुल्क हुने कामका लागि ५ सय रुपैयाँ तिर्नुनपर्ने उनको भनाई छ । यिनी जस्तै कार्यलयमा सेवा लिन आउने अन्य सेवाग्राहिले पनि महंगो शुल्क तिरी काम गर्नुपरेको छ ।

सवै काम बाहिरै पैसा तिरेर गर्नुपर्दा कर्मचारीले हस्ताक्षर मात्रै गर्ने गरेको उनिहरुको आरोप छ । नागरिक सहयता कक्षका लागि कार्यलयले कम्प्यूटर, प्रीन्टर राखेपनि प्रयोगमा ल्याएको छैन । केहिँ समय पहिले उद्योग वाणिज्य संघ मार्फत एकजना कर्मचारीको व्यवस्था गरेपनि अहिले कर्मचारी नभएको सेवा कार्यालयका निमित्त प्रमुख अशोक रिजालले बताए । ‘हाम्रो कार्यलयको कर्मचारी राख्ने अथोरिटि छैन’, रिजालले भने, ‘सुरुमा संघले एक जना कर्मचारी राखेपनि खै पछि के भयो र जानु भयो जानकारी भएन ।’

उद्योगी व्यवसायीलाई समस्या भएको जनाउँदै प्यूठान उद्योग वाणिज्य संघका कार्यकारी निर्देशक प्रकाश खनालले यस विषयमा संघले योजना बनाएको बताए । गत आर्थिक वर्षमा चार महिनाको लागि कर्मचारि राखेको भएपनि संघमा प्रयाप्त बजेट नहुँदा निरन्तर दिन कठिनाई भएको उनले जानकारी दिए ।