झुलेनी पोष्ट२०७८ फागुन ३
२०७८ फागुन ३दाङ देउखुरीको पाखापानीमा टिप्परको ठक्करबाट एक महिलाको घटना स्थलमै मृत्यु भएको छ । राप्ति गाउँपालिका वडा नं. १ पाखापानीमा टिप्परको ठक्करबाट दूध बेच्न हिडेकी महिलाको मृत्यु भएको हो ।
मंगलवार सवा ६ बजेको समयमा पुर्वबाट पश्चिम जाँदै गरेको रा १ क १२८६ नम्बरको टिप्परले राप्ती गाउँपालिका वडा नं. २ कटेशनाला निवासी ३५ वर्षिय डिला पौडेललाइ ठक्कर दिएको थियो ।
मृतक पौडेल साइकलमा दूध बेच्न भालुवाङ जाँदै गरेकी थिइन । घटना पछि मृतकका आफन्त र स्थानीयले सो सडक खण्ड बन्द गरेका छन् । दोषीलाई कारवाही र क्षतिपूर्तिको माग गर्दै बाटोे बन्द गरिएको हो । बाटो बन्द भएपछि गन्तव्यमा जान लागेका सवै गाडीहरु रोकिएका छन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
