झुलेनी पोष्ट२०७८ फागुन १६
२०७८ फागुन १६नेपाल बाल संगठन तदर्थ जिल्ला कार्यसमिति प्यूठानको सभापतिमा चन्द्रकान्त पोख्रेलले पदबहाली गरेका छन् । नेपाल बाल संगठनको २०७८ भदौ १ गतेको बैठकको निर्णयले पोख्रेललाई मनोनित गरेको थियो ।
सोमवार बाल संगठनको कार्यालय प्यूठान नगरपालिका ३ स्थित बाल मन्दिरमा बाल संगठनका पूर्व सभापति मुक्ति प्रसाद सुवेदीले उनलाई पद बहाली गराएका हुन् ।
मल्लरानी १ निवासी पोख्रेल लामो समयदेखि शिक्षण पेशामा कार्यरत छन् । कार्यक्रममा प्यूठान नगरपालिका वडा नं. २, ३ र ४ वडा अध्यक्ष लगायत स्थानीय सामाजिक अगुवाहरुको उपस्थिती थियो ।
यस अँघि बाल संगठनको सभापति प्यूठान नगरपालिका ३ का गुमानराज पुलामी थिए ।
