२०७८ चैत २८ प्यूठान २०७९ बैशाख ३० गते हुने स्थानिय तहको निर्वाचनमा प्यूठानमा पाचँ दलिए चुनावी गठबन्धन हुने भएको छ ।
सोमबार जिल्लाका विभिन्न पाचँ राजनितीक दलहरुले प्रेस विज्ञप्ती जारी गर्दै पाँच दलको केन्द्र र प्रदेशको निर्देशन अनुसार स्थानीय स्तरमा गठबन्धनबिच आपसी सहकार्य र समझदारी गरेर अघि बढ्ने जनाएका हुन । जसमा नेपाली काँग्रेस, नेकपा माओवादी केन्द्र, राष्ट्रिय जमोर्चा, नेकपा एकीकृत समाजवादी, र जनता समाजवादी पार्टीले चुनावी गठबन्धन गर्ने भएका हुन ।
नेपाली काँग्रेसका सभापती विष्णुकुमार गिरी, नेकपा माओवादी केन्द्रका ईन्चार्ज नारायण अधिकारी, राजमोका अध्यक्ष कृष्ण खड्का, नेकपा एकीकृत समाजवादीका अध्यक्ष भोजविक्रम बुढामगर, र जसपाका अध्यक्ष श्याम गहतराजद्धारा संयूक्ति हस्तारक्षित प्रेस विज्ञप्तीमा स्थानिय तहको निर्वाचनमा पालिका स्तर देखी वडा तह सम्म एक भएर अगाडी बढ्ने निणर्य गरेको घोषणा सार्वजनिक भएको हो ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
