भकभके बोलि भएका (बोलि अड्कीने) जिल्लाका व्यक्तिहरुलाई भकभके रोकथाम तथा उपाचार संम्वन्धी दुइ दिने तालिम सम्पन्न भएको छ । महिला बालबालिका तथा जेष्ठ नागरीक मन्त्रालयको सहयोग र नेपाल भकभके संघको आयोजना र प्यूठान शाखाको समन्वयमा उद्योग वाणिज्य संघको सभाहलमा कार्यक्रम शुक्रबार सम्पन्न भएको हो ।

जिल्लाका २५ जना सहभागि रहेको तालिमको प्रशिक्षक नेपाल भकभके संघका केन्द्रीय कोषध्यक्ष शंकर प्रसाद गौतम रहेको अपाङ्ग सेवा संघ प्यूठानका अध्यक्ष जुमान सिहं केसीले बताए ।

बोलिमा समस्या भएका व्यक्तिहरुलाई यो तालिमले बोल्नमा धेरै सहजता दिएको तालिममा सहभागिहरुले बताएका छन । यो समस्या वंशाणुगत गुण र हतारिएर बोल्दा बोलि अड्किने समस्या हुने गरेको तालिमका प्रशिक्षक गौतमले बताए । बोल्दा अड्कीने व्यक्तिहरुले दैनिक १५ मिनेट सम्म लामो स्वास लिने र विस्तारै बोल्ने गर्दा समस्याको हल हुने गौतमको भनाई छ ।

विद्यायमा बालवालिकाहरुमा यस्ता समस्याहरु हुने हुंदा शिक्षकहरु मार्फत विद्यार्थीमा सिकाई होस भनि शिक्षकहरुलाई समेत तालिममा सहभागि गराईएको थियो । तालिममा सहभागि महेन्द्र नमुना मा वि खलंगाका शिक्षक बसन्तलाल साक्यले वाक आपाङ्गता सम्वन्धी प्यूठानमा पहिलो तालिम र व्यवहारीक रहेको बताए । यस्ता तालिमहरु जिल्लाका सवै विद्यालयहरुमा संचालन गर्दा प्रभावकारी हुने साक्यको भनाई छ ।