मल्लरानी गाउँपालिकाको वार्षिक नीति तथा कार्यक्रम बुधबार सार्वजनिक भएको छ । पालिका अध्यक्ष कृष्ण खड्काले दोस्रो गाउँसभाको प्रथम अघिवेशनमा आगामी आर्थिक वर्ष २०७९÷८० को नीति तथा कार्यक्रम प्रस्तुत गरेका हुन् ।

नीति तथा कार्यक्रममा कृषि, शिक्षा, पर्यटन, सहकारी, स्वास्थ्य,खानेपानी तथा सरसफाइ, लैगिक समानता,रोजगारी सडक तथा पुल, उर्जा, फोहोरमैला व्यवस्पन जस्ता विषयलाई प्राथमिकतामा राखिएको छ । गाउँगाउँमा पुगेका सडकहरुलाई नियमित मर्मतसम्भार गर्ने, लेन्थ वर्करहरुको व्यबस्था गरेर सवारी साधनहरुलाई नियमति गर्ने,लिप्ट खानेपानीबाट निर्माण भएका खानेपानी आयोजनाहरुको बिद्युत महशुल गाउँपालिकाले ५० प्रतिशत तिर्ने व्यबस्था गरेर खानेपानीको शुल्क घटाउने, पालिका भित्र सञ्चालन हुने विकास निर्माणका कार्यहरुमा रोजजारी सेवा केन्द्रमा सुचिकृत बेरोजगाहरुलाई रोजगारीको लागि प्राथमिकता दिने नीति तथा कार्यक्रममा उल्लेख छ ।

माध्यमिक तहसम्म निःशुल्क शिक्षा, जनता सुसुचित हुन पाउने सूचनाको हकको प्रत्याभूति गर्न कार्यालयबाट सम्पादीत कार्यक्रमहरुको नियमिति सार्वजनिक सुनुवाई,सार्वजनिक परिक्षण,पालिकबाट प्रकाशन हुने सूचनाहरु स्थानीय सञ्चार माध्यमबाट प्रकाशन तथा प्रशारण गर्ने अवधारण समेत गाउँपालिकाले ल्याएको छ ।

त्यस्तै गाउँपालिका भित्रका पर्यटकीय स्थलहरु पालुकाथान, कुडुले गुफा, मल्लरानी,झाक्रीस्थानलगायत पर्यटकीय क्षेत्रहरुमा पर्यटकीय पूर्वाधार निर्माण गर्ने पालिकाले भनेको छ । पालिका भित्र रहेका कृषकहरुले उत्पादन गरेको कृषि उपजलाई उपभोक्ता समक्ष सहजरुपमा पु¥याउन खलंगमा रहेको हाट बजारलाई कृषि उपज संकलन केन्द्रको रुपमा विकास गर्ने भनेको छ ।