यस वर्ष पालिकाबाट १० लाख बजेट विनियोजन

गौमुखीमा रहेको तामाखानीलाई पर्यटकीय क्षेत्रका रुपमा विकास गरिने भएको छ । गौमुखी गाउँपालिका वडा नं.४ पुजा स्थित जादगाउँमा रहेको तामाखानीलाई पर्यटकीय क्षेत्रका रुपमा विकास गर्न लागिएको गौमुखी गाउँपालिकाले जनाएको छ ।

गौमुखी गाउँपालिकाले तामाखानीलाई पर्यटकीय क्षेत्रको रुपमा विकास गर्ने भनी यस वर्ष पालिकाबाट १० लाख रुपैया बजेट विनियोजन गरेको छ । तामाखानी अवलोकनका लागि त्यहाँ सिढी, रेलिङ्ग, सोलार बत्ती व्यवस्थापन एवम् अन्य भौतिक संरचनाहरुको विकास विस्तार गरिने पालिका उपाध्यक्ष महाविर रानाले बताए ।
परापुर्व कालमा उक्त स्थानबाट तामा उत्खनन् गरि बनाइएका भाडाकुडाहरु त्यहाँका स्थानीयले अझै पनि प्रयोग गर्दै आइरहेका छन् ।

परम्परागत रुपमा उत्खन्न हुदै आएको तामाखानी बन्द रहेको धेरै वर्ष भैइसकेको छ । राणा शासानको वेला सम्म तामाखानी उत्खनन् गरि त्यहाँका स्थानीयहरुले दैनिक गुजारा चलाउदै आएको स्थानीय बुढापाका बताउछन् ।

उक्त स्थानको पहिचान जोगाउने उद्देश्य सहित पर्यटकीय क्षेत्रको रुपमा विकास गर्न लागिएको गाउँपालिकाले जनाएको छ ।