लामो समयदेखि निर्माणधिन लुंग्रीमाडी सिंचाई आयोजना पुरा नहँुदा करिव ८ सय हेक्टर जमिन सिंचाई बिहिन बनेको छ । निर्माण शुरु भएको २९ बर्ष पुरा हुँदा समेत निर्माण सम्पन्न नहुँदा स्थानीय कृषक चिन्तित बनेका छन् ।

२०४४ सालदेखि निर्माण सुरु भएको उक्त आयोजनामा हालसम्म १२ करोड ३४ लाख ६० हजार ९ सय ५९ रुपैया बजेट खर्च भैसक्दा पनि रोल्पाको जुतुङखोला र माडीखोला गरी दुई मुलको पानी लिएर सारी आसपासका क्षेत्रमा सिंचाई गर्ने आशा पुरा हुन नसकेको स्थानीय केन्द्रप्रकाश पातिदेवती विश्वकर्माले बताए । राजनितिक खिाचातानीको कारण लामो समयसम्म लम्बिएको आयोजना सडक निर्माणमा देखिएको लापबाहीका कारण फेरी अस्तब्यस्त बनेको छ । सारी, बेल्वास, दाखाक्वाडी र वर्जिवाङ गाविसका किसानहरु सिंचाई सुविधाको आशामै बसेका छन् । बाह्रैमहिना सिंचाई सुविधा पु¥याउन आयोजनाबाट पहिलो चरणमा २ सय ३० हेक्टर जमिन सिंचाई सुविधा पु¥याउने लक्ष्य थियो । १२ किलोमिटरको आयोजना साढे ९ कि.मी निर्माण सपन्न भएको छ । सिंचाई आयोजनाको रोल्पाका अरेश, तेवाङ सिर्प जोड्ने मोटरवाटोहरुले करिव १ करोड बरावरको क्षति पुगेको जिल्ला सिंचाई डिभिजन कार्यालय प्यूठानका प्रमुख कृष्ण बहादुर बि.क.ले जानकारी दिए ।

कृषकको प्रश्न: विकासमा राजनितिक खिचातानी कहिले सम्म ?
बर्षौदेखि सिंचाई आयोजना निर्माणको सपना देखेका कृषकहरु विकास निर्माणमा राजनितिकरण देखिँदा राजनिति प्रति बाक्वदिक्क बनेका छन् । राजनितिक विवाद साम्य नहुँदा निरासमै सिमित आयोजना प्रभावित हुँदा निकै चिन्तित देखिएका छन् । राजनीतिक खिचातानीका कारण अन्योल बनेको सिंचाइ आयोजना कहिले पुुरा होला ? भन्ने अन्यौलतामा उनिहरु रहेको बताउछन् ।