लुप्लुङ माध्यमिक बिद्यालयले आफ्नो ६३ औ बार्षिक उत्सब सम्पन्न गरेको छ । वसन्त पञ्चमी एवं अभिभावक दिवसको अबसरमा गाउपालिका (बिद्यालय) स्तरिय वक्तित्व कला प्रतियोगिता सम्पन्न गर्दै आफ्नो ६३ औ बार्षिक उत्शव बिहिवार सम्पन्न गरेको हो । उक्त कार्यक्रममा प्रमुख अतिथिको भुमिका निर्वाह गर्दै गाउँपालिका अध्यक्ष डिल बहादुर थापा मगरले भौतिक व्यवस्थापन तथा शैक्षिक क्षेत्रको बिषयमा आवश्यक परेको समयमा गाउँपालिका तयार रहेको बताए । त्यस्तै गाउँपालिका प्रमुख प्रशासकीय अधिकृत शिवराज पौडेलले विगतका दिनमा यस बिद्यालयले राम्रो शिक्षा दिदैै आएको भन्दै पछिका दिनमा पनि अझ व्यवस्थित गरेर जिम्मेवारी बहन गर्नुपर्ने बताए । विद्यालयका सहायक प्रधानाध्यापक कुमार भण्डारीले विद्यालयको लागि ४ कोठे भवन र क्याण्टिन आवश्यकता रहेको भन्दै गाउँपालिकामा माग समेत गरेका छन् ।
बार्षिक उत्सवको अवसरमा “रोजगार मुलक शिक्षा आजको आवश्यकता” भन्ने नाराका साथ मा.वि स्तरीय बत्तृत्वकला प्रतियोगिता कार्यक्रम समेत रहेको थियो । कार्यक्रममा ५ विद्यालय सहभागि रहेको सहायक प्रधानाध्यापक भण्डारीले जानकारी दिए । जसमा प्रथम ने.रा मा.वि डामृ, द्धितिय अम्बिका मा.वि फोप्ली र जनज्योति मा.वि लुङ्ग तृतिय भएको छ । बिजेतालाई नगद पुरस्कार दिएकोे छ । शिक्षक खेमराज भण्डारीको स्वागत मन्तव्य सहित विभिन्न वक्ताहरुले स्कुलको शैक्षिक गुणस्तर हुदैँ जावस भनि सफलता को सुभकामना व्यक्त गरेका थिए । कार्यक्रम को सहजिकरण सहायक प्राधानाध्यापक कुमार भण्डारीले गरेका हुन् ।