भर्लेनी रेङझेङ खोला सामुदायिक वन उपभोक्ता समुह ऐरावती गाउँपालिका वडा नंम्बर ६ विजुली हात्तिपाईलाको आमभेला भव्य रुपमा सम्पन्न भएको छ । समुहका अध्यक्ष कृष्णराज पौडेलको अध्यक्षता बाट शुरु भएको कार्यक्रममा गाउँपालिकाका उपाध्यक्ष बुद्ध बहादुर बस्नेतको प्रमुख आतिथ्यता रहेको थियो ।

वि.स. २०६९ सालमा गठन गरिएको उक्त समुहमा विजुलीका ३ सय ८५ महिला र ३ सय ६५ पुरुष उपभोक्ता सदस्य रहेका छन् । हाँलसम्म समुहको आम्दानी ९६ हजार १ सय ५३ रहेको समुहका अध्यक्ष कृष्णराज पौडेलले बताए । उनले भने,‘११ हजार ४ सय ५ खर्च गरि जम्मा ८४ हजार ८ सय ४७ रुपैयाँ अनुदानका कार्यक्रममा लगाएका छौ । ’समुहले विजुलीका ६० घरपरिवारलाई अनुदानमा बाख्रा वितरण गरेको समेत उनले जानकारी दिए ।

आमभेलालाई सम्बोधन गर्दै गाउँपालिकाका उपाध्यक्ष बुद्ध बहादुर बस्नेतले यसठाउँबाट निर्वाचित उम्मेदवारको नाताले यस गाउँको सुख दुखमा सधै साथ दिन तत्पर रहेको बताए । उनले भने, ‘यस क्षेत्रको विकासमा पूर्ण रुपमा लाग्छु । ’ अहिलेको संविधानले हामी सबैको अधिकार, कर्तव्य र जिम्मेबारी आ– आफ्नो ठाउँमा स्पष्ट्र पारिदिएको बताएदै उनले राज्यबाट मात्र पाउँने आस नगरेर हुनेहरुले राज्यलाइृ कर दिएर मुलुकको समृद्धिकमा साथ दिन आग्रह गरे ।

भेलाका प्रमुख अतिथि समेत रहेका उपाध्यक्ष बस्नेतले यस क्षेत्रमा खोपानीको समस्या वढी भएकोले आगामी ३ वर्ष भित्रमा सबै बस्ती क्षेत्रमा खानेपानीको पहुँच पु¥याउने बताए । उनले भने,‘ गाउँपालिकाबाट खानेपानीका लागि बजेट विनियोजन भईसकेको छ । ’ उनलाई समुहले दोसल्ला ओडाएर सम्मान समेत गरेको थियो । सम्मान पछि उनले सम्मान गरेर माया र हौसला दिएकोमा खुसि व्यक्त गरे । वनजंगल मानिसलाई अतिआवश्यक बस्तु हो । उनले भने,‘जीवनयापनमा पर्यावरणको आवश्यकता महत्वपूर्ण छ यसलाई जोगाउनुपर्छ । ’

भेलाले नयाँ कार्यसमितिपनि चयन गरेको छ । रेशम बहादुर थापाको अध्यक्षतामा ९ सदस्यिय नयाँ कार्यसमिति चयन गरेको हो । जसको उपाध्यक्षमा यामबहादुर गुरुङ, सचिव बिमला ठेडी, सहसचिव टेक बहादुर थापा, कोषाध्यक्ष मुक्ति बहादुर बस्नेत , सदस्यहरुमा नमा विश्कर्मा, लाली विश्वकर्मा लगाएतका रहेका नवनियुक्त सचिव बिमला ठेडीले जानकारी दिईन् ।