२०८० बैशाख १४भनिन्छ तस्बिरले सबै चिज बोल्छ । यहाँ दर्जनौ मानिसहरु पिच गरेको सडकमा मेसिनरी औजारमा काम गरिरहेको देखिन्छ ।
हो, स्वर्गद्वारी नगरपालिका वडा नं. ३, स्थित किमिचौरमा स्थानीयले थ्रेसरबाट गहुँ झाँट्दै गरेका छन् ।
उनिहरुले काम गरिहेको ठाउँ नजिकै एम्बुलेन्स रोकिराखेको अवस्थामा देख्न सकिन्छ ।
एम्बुलेन्स, दमकल, प्रहरीको गाडि जहिल्यै हतारमा हुने भएकाले सडक र सडक क्षेत्र खाली हुनुपर्ने हो ।
“सार्वजनिक सडक” भन्नाले कसैको निजी भोगचलनमा नरहेको सडक सम्झनु पर्छ र सो शब्दले त्यस्तो सडकमा पर्ने सबै किसिमका पुल, कज्वे, कलभर्ट, साईकल मार्ग र फूटपाथलाई समेत जनाउँछ ।
सार्वजनिक सडक ऐन, २०३१ ले सडकको बारेमा यसरी परिभाषित गरे पनि स्थानीयले सडक जाम गरेर काम गरिरहेका छन् ।
अत्यन्तै जरुरी अवस्थामा एम्बुलेन्स सवार भएको भए स्थानीयका कारण बिरामीको बिच सडकमै ज्यान जाने खतरा हुनसक्छ।
ऐन अनुसार सडकको रेखदेख र मर्मत गर्न सकिने प्रावधान छ तर सडक र सडक क्षेत्र ओगटेर निजि प्रयोजनका लागि काम गर्न पाइदैन ।
तर सार्वजनिक सम्पत्तिमा मनपरी गर्नु नागरिकको मौलिक अधिकारमा पर्दैन ।
आफूलाई पर्दा मनपरी गर्ने र अरुलाई पर्दा वास्ता नगर्ने नागरिकको बानि कहिले सुध्रिएला !
नागरिकले सार्वजनिक सडकनै अवरुद्ध हुनेगरि काम गर्दा प्रहरीले देख्दैन ।
