२०८० बैशाख ३१माण्डवी गाउँपालिका अध्यक्ष नमराज अधिकारीले अहिलेको समयमा परम्परागत भन्दा पनि आधुनिकिकरण खेती तथा पशुपालनमा जोड दिनुपर्ने बताए ।
एकीकृत कृषि तथा पशुपन्छी विकास कार्यालय प्यूठान अन्तर्गत सञ्चालित बाख्राको श्रोतकेन्द्र स्थापना समूहका सदस्यहरुलाई १ दिने बाख्रापालन तालिम कार्यक्रममा बोल्दै उनले यस्तो बताएका हुन् ।
अध्यक्ष अधिकारीले स्वच्छ आयआर्जनबाट जीवन परिवर्तन गर्न सकिने बताउँदै व्यवसायिक रुपले उत्पादनमा जोड दिनुपर्ने उनको भनाई थियो ।
लुम्बिनी प्रदेश सरकारको १० लाख रुपैया विनियोजित बजेटबाट यो आर्थिक बर्षको लागि पहिलो चरणमा ६ लाखको १६ वटा बोयर क्रस बोका, खोर निर्माण, तालिम, औषधी खरिद हुने माण्डवी गाउँपालिका पशुसेवा प्राविधिक कौशल अधिकारीले जानकारी दिए ।
साथै तालिममा सहभागिहरले तालिमको समय छोटो भएको भन्दै धेरै कुराहरु सिक्नको लागि तालिमको अझै आवश्यकता रहेको बताएका थिए ।
कृषकहरुले अनुदानमा आएका प्याकेजहरुबाट प्रतिफल प्राप्त गर्ने लक्ष्य लिएका छन् । तालिमा लिन पाउँदा कृषकहरु उत्साहित भएका थिए ।
पिपलडाँडा बहुउद्देश्यीय कृषि तथा पशुपन्छी समूह माण्डवी गाउँपालिका १ को आयोजनामा सञ्चालन भएको तालिमको सहजिकरण माण्डवी गाउँपालिका पशु चिकित्सक हेमराज आचार्यले गरेका थिए ।
शिव बहादुर बुढा मगरको अध्यक्षतामा सुरु भएको कार्यक्रमको प्रमुख अतिथि गाउँपालिका अध्यक्ष नमराज अधिकारी रहेका थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
