संस्थामा आवद्ध सदस्यहरुलाई नागबेली बहुउद्देश्यीय कृषि सहकारी संस्थाले तालिम दिएको छ ।

संस्थाको सभाहलमा भएको तालिममा २४ जना महिला सदस्यहरुलाई गत बैशाख ३० देखी जेठ ३ गतेसम्म अचार तालिम दिइएको हो ।

गुणस्तरीय, स्वस्थ र स्थानीय उत्पादनका अचारहरु बजारमा ल्याउने तयारीका साथ तालिम सञ्चालन गरिएको नाकबेली बहुउद्देश्यीय कृषि सहकारी संस्थाका अध्यक्ष बिष्णु पाण्डेलो जानकारी दिए ।

साथै संस्थाले नगरपालिका तथा जिल्ला भरि नै यस्ता गुणस्तरका अचारहरु बनाई सदस्यहरुलाई रोजगारको मुलबाटो देखाउने र त्यसैमा आत्मनिर्भर बनाउने अभिप्रायले तालिम दिएको पनि अध्यक्ष पाण्डेले बताए ।

अध्यक्ष पाण्डेले सदस्यहरुले तालिमबाट सिकेका कुराहरुलाई व्यवहारमा लिन सकेमा र आफ्नै संस्था दर्ता गरि व्यवसाय गर्न खोजेमा त्यसमा संस्थाले भरपूर सहयोग गर्ने प्रतिवद्धता जाहेर गरे ।

सहभागिहरु तालिम लिन पाउदा खुसी भएको अध्यक्ष पाण्डेको भनाई छ ।

प्यूठान नगरपालिकाका मेयर बिष्णु बहादुर योगिले यो व्यवसायिलाई थप बृद्धि तथा स्तरोन्नती गर्नको लागि नगरपालिका सधै संस्थाको निम्ति सहयोग गर्न तयार रहेको बताए ।

मेयर योगिले विभिन्न गतिविधिमा संस्थाले राम्रो काम गरेको प्रशंसा गर्दै संस्थाले उत्पादन गरेका बस्तुलाई बजारिकरण, प्याकेजिङ र लेभलिङमा समेत संस्थासँग सहजिकरण गरेर संस्थालई अगाडी बढाउने आश्वासन दिए ।

बिष्णु पाण्डेको अध्यक्षतामा भएको कार्यक्रममा प्रमुख अतिथि प्यूठान नगरपालिका प्रमुख बिष्णु बहादुर योगि, नगर प्रवक्ता तथा ३ नं वडा अध्यक्ष सुमनराज श्रेष्ठ लगायतको उपस्थित रहेको थियो ।