प्यूठानको झिमरुक गाउँपालिकामा कर्मचारी माथि हातपात भएपछि शुक्रबार यहाँका कर्मचारीले विरोध स्वारुप पालिकाको कामकाज ठप्प पारेका छन् । कामगर्न सहज नभएको भन्दै पालिकाबाट सेवा प्रदान नगरेको कर्मचारीले बताएका छन् ।

गाउँपालिका अध्यक्ष पितबहादुर महतराका छोरा मिलन एमसी र अन्य दुई जना युवाले योजना शाखाका सहायक कर्मचारी दिपक जि.सी.लाई हातपात तथा अभद्र व्यवहार गरेको भन्दै यहाँका कर्मचारी आन्द्रोलनमा छन् ।

अव कसरी अगाडि बढ्ने भन्ने विषयमा सरसल्लाह भइरहेको प्रमुख प्रशासकीय अधिकृत सुवास रिजालले बताए । यसैबिच झिमरुक गाउँपालिकाका कर्मचारी माथि भएको हातपातको विरोध गर्दै जिल्लाका अन्य स्थानीय तहका कर्मचारीहरुले समेत हातमा कालोपट्टि बाँधेर बिरोध जनाएका छन् ।

झिमरुकको घटना बारे आफूले गहिरो अध्ययन गरिरहेको प्रमुख जिल्ला अधिकारी मदन कोइरालाले बताए । ‘कर्मचारीले काम ठप्प पार्न मिल्दैन,’उनलले भने,‘कर्मचारीलाई अन्याय भएको छ भने न्याय पाउनुपर्छ ।’

पालिकाको कामकाज सुचारु गराउने विषयमा जनप्रतिनिधिसंग र कर्मचारीसंग समन्वय भइरहेको कोइरालले बताए । थपसत्य बुझ्नको लागि आफू झिमरुक गाउँपालिका जादै गरेको कोइरालाले बताए ।