![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2023/09/Untitled-1-copy-6-768x400.jpg)
हिजोआज प्यूूठानका विभिन्न क्षेत्रमा अवस्थित वर, पीपल र स्वामीका चौपारीमा तपाई पुग्नुभयो भने देख्नुहुने छ बोटमा रातो मसिले लेखिएको संख्या । त्यो कसैले विनाकारण लेखिएको होइन । डिभिजन कार्यालय प्यूठानले जिल्ला भरमा रहेका वर, पीपल र स्वामीका चौपारीहरुको तथ्यांक संकलन गर्नेक्रममा लेखेको संख्या हो ।
नयाँ वा पूराना पुस्ताले बर, पीपल र स्वामीका रुख लगाएर बनाएको चौपारीको गणना गर्न डिभिजन वन कार्यालय प्यूठानले गत आर्थिक वर्षमा कार्यक्रम नै बनाएको थियो । कार्यालयको आर्थिक वर्ष २०७९/०८० सम्पन्न वर,पीपलका र स्वामीका चौपारी संख्या संकलन कार्यक्रम अनुसार प्यूठान जिल्ला भरमा झन्डै २ हजार वर,पीपल र स्वामीका छहारी रहेका छन् । डिभिजन कार्यालय प्यूठानका अधिकृत हरी पौडेलले जिल्ला भरमा वर ८ सय ३०, पीपल ९ सय ० र स्वामी १ सय २ वटा अभिलेखिकरण भएको जानकारी दिए । यी चौपारीहरु धेरैजसो वर्षौ पहिले निर्माण भएका रहेको कार्यालयले जनाएको छ । ‘हिजोआज वरपीपल लगाउने चलन हराउदै गएको छ,’पौडेले भने,‘हामीले संकलन गरेको तथ्यांकमा पनि धेरै जसो चौपारीहरु पूरानानै छन् ।’
छोराको सम्झनामा चौपारी
प्यूठानको नौबहिनी गाउँपालिका ६ लुङकी पुतलादेवि बस्नेतले स्थानीय पौवापोखरा क्षेत्रमा लगाइएको पिपलको बोट संरक्षण गर्दै छोराको सम्झनामा चौपारी निर्माण गरेकी छिन् । २०५६ साल असोज १६ गते नेपाल प्रहरीमा कार्यरत छोरा गिरबहादुर बस्नेतको डोल्पामा माओबादी द्धन्द्धको क्रममा मृत्यु भएपछि उनले चौपारी निर्माण गर्दिएकी हुन् । स्थानीय कमान सिह केसीले २०५२ सालमा लगाएको पिपललाई संरक्षण गरेर उनले चौपारी बनाइदिएकी छिन् । पिपल हुर्कदै गएको छ । त्यो चौपारी त्यस क्षेत्रका लागि छहारी बनेको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)