![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2023/09/kaid-photo-222-768x400.jpg)
आज संविधान दिवस,देशभर विभिन्न कार्यक्रम गरी मनाईएको छ । सार्वभौम संविधान सभाबाट २०७२ असोज ३ गते संघीयतासहितको संविधान जारी भएको थियो । त्यसैले हरेक वर्ष असोज ३ गतेलाई राष्ट्रिय दिवसको रुपमा मनाउने गरिन्छ ।
संविधान दिवसको अवसरमा जिल्ला कारागार खलंगा प्यूठानमा रहेका ३ जनाको कैद सजाय माफी मिनाहा भएको छ । जिल्ला कारागार प्यूठानका प्रमुख सुर्य बहादुर पन्तका अनुसार २ जना पुरुष र १ जना महिलाको कैद सजाय माफी मिनाहा भएको हो । ज्यान सम्बन्धि कसुर, सवारी ज्यान र बहुविवाह सम्बन्धि कसुर भएका व्यक्तिहरुको सजाय माफी मिनाहा भएको प्रमुख पन्तले जानकारी दिए ।
त्यस्तै संविधान दिवसको अवसरमा जिल्ला प्रशासन कार्यालय प्यूठानसहित जिल्लाका स्थानीय तहहरुले शुभकामना आदानप्रदान कार्यक्रम सम्पन्न गरेका छन् ।
संघीय लोकतान्त्रिक गणतन्त्र नेपालका प्रथम राष्ट्रपति डा रामवरण यादवले २०७२ असोज ३ गते ‘नेपालको संविधान २०७२’ जारी भएको घोषणा गरेका थिए । संविधान निर्माण भएर कार्यान्वयनमा आएको आज ८ वर्ष पूरा भएको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)