प्यूठान नगरपालिका, ७ पुन्यखोलाबाट महाअष्टमीको अवसर पारेर ऐतिहासीक स्थल भित्रीकोटसम्म ७ किलोमिटर दौड गरिएको छ । दौडको आईतबार विहान प्रदेश सांसद धनलक्ष्मी श्रेष्ठले रिवन काटेर उद्धाटन गरेकी हुन् । दौडमा ४३ जनाले सहभगिता जनाएको आयोजकले जानकारी दिएको छ ।

गत बर्ष देखि थालिएको भित्रिकोट दौडलाई यस बर्ष पनि निरन्तरता दिएको हो । सामरिक, पुरातात्विक तथा धार्मिक महत्वको बिशेषता बोकेको ऐतिहासिक पर्यटकीय स्थल भित्रिकोटमा यस वर्ष साँस्कृतिक कार्यक्रमको समेत आयोजना गरिएको छ । दौड प्रतियोगितासंगै स्थानीय कला संस्कृतिको महत्व झल्काउने सोरठी, मारुनी तथा अन्य बिशेषता सहितका नृत्यका साथै दशैं बिशेष साँस्कृतिक कार्यक्रमको आयोजना गरिएको प्यूठान नगरपालिका ७ का वडाध्यक्ष नेत्र केसीले जानकारी दिए ।