२०८० माघ ४राष्ट्रिय सभा निर्वाचनको लागि लुम्बिनी प्रदेशमा गठबन्धनका उम्मेदवार परिचय तथा भेटघाटका लागि विहीबार प्यूठानका आएका छन । प्यूठानमा पाँच दलिय गठबन्धनले बिहिबार प्यूठान नगरपालिकामा आयोजना गरेको परिचयात्मक तथा भेटघाट कार्यक्रममा उनीहरु प्यूठान आएर मत मागेका छन् ।
लुम्बिनी प्रदेशमा गठबन्धनका तर्फबाट नेपाली काग्रेसका राष्ट्रिय सभा सदस्य उम्मेदवार विष्णु सापकोटा र नेकपा माओवादीबाट उम्मेदवार झक्कु प्रसाद सुवेदी प्यूठान आएका हुन् । उनीहरुले आफूहरु गठबन्धलनको उम्मेदवार भएकाले जिवय सुनिश्चित भएको दाबी गरे । राष्ट्रिय सभा सदस्यमा १९ जना रिक्त पदका लागि ५१ जनाले माघ ११ गते प्रतिस्पर्धा गर्ने छन् ।
परिचयात्मक कार्यक्रम नेकपा माओवादी जिल्ला कमिटी संयोजक तथा माण्डवी गाउँपालिका अध्यक्ष नमराज अधिकारीको अध्यक्षतामा भएको थियो । कार्यक्रममा स्वागत मन्तव्य नेपाली कांग्रेस प्यूठानका सभापती तथा गौमुखी गाउँपालिका अध्यक्ष बिष्णु कुमार गिरीले गरेका थिए । कार्यक्रमको सञ्चालन राष्ट्रिय जनमोर्चा प्यूठानका अध्यक्ष ग्यामुराम न्यौपानेले गरेका हुन् ।
