![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2024/01/Final-bhawan-bhimsen-768x400.jpg)
भिमसेन मा.वि को ४ कोठे भवनको शिलान्यास गरिएको छ । मंगलबार सरुमारानी गाउँपालिकाका अध्यक्ष झग बहादुर विश्वकर्माले विद्यालयको भवन शिलान्यास गरेका हुन् । भवन शिलान्यास गर्दै गाउँपालिका अध्यक्ष विश्वकर्माले भवनको काम समयमा सम्पन्न गर्न निर्माण कम्पनीलाई आग्रह गरेका छन् । त्यसको लागि विद्यालय व्यवस्थापन समिति अध्यक्षलाई समय समयमा अनुगमन गर्न निर्देशन समेत दिएका छन् ।
प्रदेश सरकारबाट २५ लाख र गाउँपालिकाबाट २५ लाख गरी कुल ५० लाखको लागतमा उक्त भवनको निर्माण कार्य सुरु भएको गाउँपालिका प्रवक्ता तथा ४ नं वडाध्यक्ष चिन्ता सोमै मगरले जानकारी दिए । उनका अनुसार चालु आर्थिक बर्षको जेठ मसान्तसम्म भवन निर्माणको काम सक्ने गरी सरुमारानी ईश्वर निर्माण सेवाले ठेक्का लिएको छ ।
१० कक्षा सम्म सञ्चालन भएको विद्यालयमा हाल २ वटा भवन बाहेक अरु सबै कच्ची भवन रहेको भिमसेन मा.वि का प्रधानाध्यापक हिरा बहादुर दर्लामी मगरले जानकारी दिए । प्रधानाध्यापक दर्लामीका अनुसार हाल निर्माणाधिन अवस्थामा रहेको भवन बाहेक पनि विद्यालयलाई अझै ४ कोठे भवन भए सहज हुने बताएका छन् । यसका लागि जनप्रतिनिधि, सरोकारवाला, बुद्धिजिबी समक्ष माग राखेको पनि जानकारी गराए । २०२५ सालमा स्थापना भएको विद्यालयमा अहिले ५ सय ७५ विद्यार्थी अध्ययनरत रहेका छन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)