विश्व रक्तदाता दिवस प्यूठानमा पनि मनाईएको छ । नेपाल रेडक्रस सोसाईटी जिल्ला शाखा प्यूठानको आयोजना तथा नेपाल स्वयंसेवी रक्तदाता समाजको समन्वयमा रक्तदान सम्बन्धि एक कार्यक्रमको आयोजना गरी दिवस मनाइएको हो ।
कार्यक्रमको अवसरमा ७ जनाले रक्तदान गरेका छन भने यूवा संगठन नेपाल जिल्ला शाखा प्यूठानले आयोजना गरेको छुट्टै रक्तदान कार्यक्रममा ८ जनाले रक्तदान गरेका छन् ।

प्यूठान अस्पतालमा आउने विरामीहरुले रगतको अभावमा मृत्यु वरण गर्न नपरोस भन्ने उद्देश्यले दिवसको अवसरमा रक्तदान कार्यक्रम गरिएको समाजसेवी एवं नेपाल स्वयंसेवी रक्तदाता समाजका केन्द्रिय सदस्य मनु लामाले जानकारी दिए ।

नेपाल रेडक्रस सोसाइटी जिल्ला शाखा प्यूठानका सभापति गुमानराज पुलामीको अध्यक्षता भएको कार्यक्रममा प्रमुख अतिथि प्यूठान अस्पताल विकास समितिका अध्यक्ष बिजयविराज बिष्ट रहेका कार्यक्रमको सञ्चालन नेपाल स्वयंसेवी सक्तदाता समाज प्यूठानकी कार्यवाहक अधयक्ष राधा अधिकारीले गरेकी थिइन् । रक्तदान कार्यक्रम रक्तसञ्चार सेवा केन्द्र बिजुवारमा गरिएको थियो ।