नेपालगन्ज मेडिकल कलेजले अत्याधुनिक प्रविधियुक्त दन्त सेवा आरम्भ गरेको छ । अहिलेको नयाँ प्रविधिसहितको अत्याधुनिक मेसिनबाट दाँत रोगको उपचार आरम्भ गरिएको अस्पतालका जनसम्बन्ध अधिकारी राम बहादुर मल्लले बताए ।

उक्त कलेजले ५ वर्षे विडिएस कोर्स अध्यापनको तयारी समेत गरेको कलेजका प्रशासनिक अधिकारी रामकृष्ण हमालले बताए । साथै कलेजमा स्वास्थ्य बिमा कार्यक्रमबाट नागरिकले सेवा सुविधाबाट पनि उपचार हुने हमालले बताए ।

सरकारले मापदण्ड पुरा गरेका निजी मेडिकल कलेजहरूबाट पनि स्वास्थ्य बिमा कार्यक्रम कार्यान्वयन गर्ने भएको छ । सोही अनुसार नेपालगन्ज मेडिकल कलेजबाट पनि स्वास्थ्य बिमा बापतको उपचार सेवा उपलब्ध हुने भएको हो ।