झुलेनी नेटवर्क२०८१ भदौ ११
२०८१ भदौ ११जिल्लाको ऐरावती गाउँपालिका वडा नं ६ मा एक जना शिक्षक मृत अवस्थामा फेला परेका छन् ।
जनता माध्यमिक विद्यालयका शिक्षक चन्द्रप्रकाश सापकोटा मृत अवस्थामा फेला परेको जिल्ला प्रहरी कार्यालय प्युठानका प्रवक्ता प्रहरी निरीक्षक केशव के.सी. बताए ।
जनता माध्यमिक विद्यालय बिजुली देखि २ किलोमिटर दुरीमा बाटोमा उनको शव फेला परेको के.सी. ले बताए । उनका अनुसार मृतक सापकोटाको सरिरमा कुनै बाहिरी चोट देखिएको छैन । मृत्युको कारणबारे पोस्टमार्टम रिपोर्टपछि मात्रै भन्न सकिने उनको भनाई छ ।
जनता मा.बि. मा पढाउँदै आएका शिक्षक सापकोटाको घर कैलाली टिकापुर हो । उनका कोही आफन्त यता छैनन् । विद्यालयमै बस्दै आएका उनी बरौलामा शिक्षकको तालिममा गएको र फर्किने बेला उक्त घटना भएको प्रहरीको अनुमान छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
