प्यूठानमा ट्याक्टर दुर्घटना हुँदा घाईते एकजनाको मृत्यु भएको छ । शुक्रबार साझ करिब ७ बजेको समयमा ट्याक्टर दुर्घटना हुँदा घाइते गौमुखी गाउँपालिका ६ डाँफ्लेका १९ बर्षिय विरेन्द्र बोहोराको जिल्ला अस्पताल बिजुवारमा उपचारको क्रममा मृत्यु भएको जिल्ला प्रहरी कार्यालय प्यूठानले जानकारी दिएको छ । प्रहरीका अनुसार बालुवा लोड गरि गाडी फर्काउने क्रममा रा १ त ५०५३ नं को ट्याक्टर दुर्घटना भएको हो ।

ट्याक्टर चालक सम्पर्कमा नआएको कारण अझै पुरा विवरण आउन नसकेको प्यूठान प्रहरीका सूचना अधिकारी केशव केसीले जानकारी दिएका छन् ।