News Portal

रेडियो सुन्नुहोस्

रजवारामा सकियो बोक्सा लखेट्ने नाच

शशिधर भण्डारी२०८१ मङ्सिर ५
५७० पटक
२०८१ मङ्सिर ५

प्यूठानको गौमुखी गाउँपालिका–३ रजवारामा बोक्सा ‘भूतप्रेत’ लखेट्ने मेला सकिएको छ । एक वर्ष बिराएर लाग्ने मेलामा बुधवार धामी झाँक्रीहरूले कला प्रदर्शन गरेका छन् ।

पुन समुदायका स्थानीयको नेतृत्वमा भूमे पूजाका लागि कात्तिक २० गते पुजारी छनोट गरिन्छ । कात्तिक महिनाको अन्तिम सोमबार गाउँका मानिसहरू जम्मा हुन्छन् र मङ्गलवार खुङ (जङ्गलमा सिकार) हेर्न जाने परम्परा छ । मङ्सिर पहिलो मङ्गलवार जेठी भूमि भनिने भूमे पूजा सकिएपछि बुधवार झाँक्री नाच नाच्ने चलन रहेको पुजारी नारायण पुनले जानकारी दिए । भूमे पूजा प्रत्येक वर्ष गरिन्छ भने बोक्सा लखेट्ने नाच एक वर्ष बिराएर नाच्ने गरिएको उनले बताए ।

मेलामा झाँक्रीहरूले तन्त्रमन्त्र सहित नाच देखाउने चलन छ । भूतप्रेत, प्राकृतिक विपत्ति, महामारी, सङ्कटहरूबाट बचाउने जनविश्वास रहेको उक्त नाचमा मन्दिर पल्लोपट्टि हलो गाडेपछि समापन हुने स्थानीय मनोज तिर्के पुन मगरले बताए ।

उत्तरी प्यूठानको गौमुखी गाउँपालिकाका वडा नं. १ अर्खा र वडा नं. ३ रजवारामा यस्ता मेलाहरू लाग्ने गर्दछन् । अर्खामा नाच्ने नाचलाई लाटा नाच भनेर चिनिन्छ ।  हरेक साउने सङ्क्रान्तिको अर्को दिन भूमे पूजा र त्यसैसँग सम्बन्धित रहेर  १ वर्षको अन्तरमा लाटा नाच नाच्ने चलन छ ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

दहखोलामा सिद्ध मन्दिर उद्घाटन गरिदै, दशनामी गिरीहरूको कुलपूजा हुने

झिमरुक गाउँपालिका–६, दहखोलास्थित नवनिर्मित श्री सिद्ध मन्दिरको उद्घाटन तथा दहखोलाका दशनामी महन्त गिरीहरूको कुलपूजा भोलि...

खलंगामा तीन वामपन्थी दलको संयुक्त कार्यक्रम सम्पन्न

प्यूठानका तीन वामपन्थी दलको संयुक्त आयोजनामा शुभकामना आदानप्रदान कार्यक्रम सम्पन्न भएको छ। नेकपा (एमाले), राष्ट्रिय...

नेकपा झिमरुकद्वारा जागरण अभियान उद्घाटन

नेपाली कम्युनिष्ट पार्टी झिमरुक गाउँपालिका कमिटीले दुई महिने राष्ट्रिय जागरण अभियान सुरु गरेको छ ।...

नेकपाद्वारा प्यूठानमा राष्ट्रिय जागरण अभियानको उद्घाटन

नेपाली कम्यूनिष्ट पार्टीले प्यूठानमा राष्ट्रिय जागरण अभियानको उद्घाटन गरेको छ। सोमबार विजुवार स्थित सहिद प्रतिष्ठानको...

विजयपथ कप–२०८३ को उद्घाटन, १० टोलीको सहभागिता

प्यूठान नगरपालिका वडा नं. ३ विजयनगरको आयोजनामा सञ्चालन हुन लागेको अन्तरपालिका स्तरीय पुरुष भलिबल प्रतियोगिता...