२०८१ पौष ७झुलेनी युनाइटेड नेटवर्क प्रा.लि.मा आवद्घ भई नेपाल पत्रकार महासंघ, जिल्ला शाखा प्यूठानमा निर्वाचित पत्रकारहरुलाई बधाइ ज्ञापन गरिएको छ । शनिवार नेटवर्कको कार्यालयमा एक कार्यक्रम गरी बधाई ज्ञापन गरिएको हो।
नेपाल पत्रकार महासंघको मङ्सिर २८ गते सम्पन्न अभिवेशनबाट नेपाल पत्रकार महासंघको जिल्ला शाखाको उपाध्यक्षमा पत्रकार एलबी थापा, सहसचिवमा शशिधर भण्डारी, समावेशी सहसचिवमा बोम बहादुर परियार, सदस्यहरुमा मधुसुदन पोखेल, तेजेन्द्र विएम निर्वाचित भएका छन् ।
प्रा.लि.का अध्यक्ष गिरु प्रसाद भण्डारी, सम्पादक हरि प्रसाद भण्डारी र कार्यकारी निर्देशक दिपा पौडेलले अविर र खादा लगाइ बधाई ज्ञापन गरेका थिए । निर्वाचित झुलेनीकर्मीलाई बधाइ दिदै अध्यक्ष भण्डारीले श्रमजिवी पत्रकारका मुद्धा र जनतको आवाज उठाउने पत्रकार उत्पादनका लागि महत्वपूर्ण भूमिका निर्वाह गर्न सुझाव दिए ।
निर्वाचित पत्रकारको तर्फबाट एलबी थापाले पत्रकार महासंघलाई वास्तविक पत्रकारको संस्थाको रुपमा उभ्याउन आफुहरुले विशेष प्राथमिकता दिने बताए।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
