लुम्बिनी प्रदेशका शहरी विकास तथा खानेपानी मन्त्री सरोज थापाले प्यूठान नगरपालिका वडा नं. ८ बाग्दुलादेखी झिमरुक गाउँपालिकाको मच्छिसम्म पैदलयात्रा गरेका छन् । नागरिकका गुनासा सुन्न पैदलयात्रा गरेको मन्त्री थापाले बताए ।

पैदलयात्रापछि झिमरुक गाउँपालिकामा भएको कार्यक्रमलाई सम्बोधन गर्दै मन्त्री थापाले जिल्लाको विकास र समृद्धिका लागि आफुले हरदम पहल गर्ने बताए । झिमरुक गाउँपालिका उपाध्यक्ष प्रमोद पोखरेलको अध्यक्षतामा भएको छलफल कार्यक्रममा आगामि बजेट उदाहरणिय रुपमै ल्याउने भन्दै थापाले आफूलाई जतिसुकै वेला पनि सुझाव दिन आग्रह गरे ।

बाग्दुला मच्छि सडक जिल्लाको पुरानो सडक भएपनि यसको मर्मत हुन नसकेको बताउदै मन्त्रि थापाले आफ्नो कार्यकालमा यसको स्तरोन्नती गर्ने बताए । यो सडक झिमरुक गाउँपालिका, गौमुखी गाउँपालिका, गुल्मि र बाग्लुग जिल्ला जोडने सडक हो ।

पैदलयात्रामा प्यूठान नगरपालिका उपप्रमुख देवेन्द्र वर्मा, झिमरुक गाउँ पालिकाका उपाध्यक्ष प्रमोद पोख्रेल, दुवै पालिकाका जनप्रतिनिधिहरु, सडक पूर्वाधार र खानेपानी डिभिजन  कार्यालयका प्रमुख लगायतको सहभागीता थियो ।