२०८१ पौष २९नौवहिनी गाउँपालिकाभित्र जन्मिएर राष्ट्रिय तथा अन्तर्राष्ट्रिय स्तरमा योगदान पुर्याएका खेलाडीलाई नौवहिनी गाउँपालिकाले सम्मान गरेको छ । खेल क्षेत्रबाट योगदान गर्ने नौवहिनीमा जन्मिएका ७ जना खेलाडीलाई सम्मान गरिएको नौवहिनी गाउँपालिकाका अध्यक्ष दिल बहादुर थापाले जानकारी दिए ।
एनपिएल विजेता टिमका राष्ट्रिय खेलाडी तुल बहादुर थापा मगर, अन्तर्राष्ट्रिय अल्ट्रा धावक दामोदर बुढा मगर, अन्तर्राष्ट्रिय अल्ट्रा धावक कराँतेतर्फका हुमि बुढा मगर, अन्तर्राष्ट्रिय प्रोफेसनल थाई बक्सिङ गुमान घर्ती मगर, राष्ट्रिय भलिबल खेलाडी कमला साही, अन्तर्राष्ट्रिय कराँते खेलाडी नमराज राना मगर र यु–१६ राष्ट्रिय खेलाडी करण घर्ती मगरलाई सम्मान गरिएको हो ।
सम्मानित हुने प्रत्येक खेलाडीलाई २० हजार नगद, सम्मान पत्र र मायाको चिनो प्रदान गरिएको छ । गाउँपालिका अध्यक्ष दिल बहादुर थापा, उपाध्यक्ष विष्णा थापा, प्रमुख प्रशासकीय अधिकृत शिवराज पौडेल लगायतले खेलाडीलाई सम्मान गरेका थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
