जिल्लाका मगर समुदायले आज ४३ औँ राष्ट्रिय मगर एकता दिवस विविध कार्यक्रम गरी मनाएका छन् ।

दिवसको अवसरमा मल्लरानीको चुँजाठाटी , नौबहिनीको बाहाने, सरुमारानीको बड्डाडा, गौमुखीको अर्खा लगायतका स्थानहरुमा आज विभिन्न सांस्कृतिक कार्यक्रमहरु सम्पन्न भएका छन् ।

आयोजित कार्यक्रममा राष्ट्रिय तथा स्थानीय कलाकारहरुको प्रस्तुतीसँगै मगर संस्कृति झल्कने भेषभुषा, मगर पहिचानका झाँकी तथा र्याली सहित पञ्चेबाजा प्रदर्शन गरिएको थियो भने मगर समुदायमा बन्ने खानाका परिकारहरु राखिएको थियो ।

नेपाल मगर संघको स्थापना भएको दिनका अवसरमा प्रत्येक वर्ष फागुन १५ गते यो दिवस मनाइँदै आएको छ ।

नौ वटा स्थानीय तह रहेको प्यूठानका ४ स्थानीय तहले बिदा दिएका छन् । मल्लरानी गाउँपालिका, सरुमानी गाउँपालिका, ऐरावती गाउँपालिका र गौमुखी गाउँपालिकाले स्थानीय बिदा दिएका हुन् ।