२०८२ असार ३‘क्षयरोग रोकौ क्षयरोग अन्त्य गरौ’ भन्ने मुल नाराका साथ सुसुप्त क्षयरोगको संक्रमणको उपचार (थ्रि.एच.पि) सम्वन्धी एकदिने अन्तरक्रिया कार्यक्रम स्वास्थ्य कार्यालय प्यूठानमा सम्पन्न भएको छ ।
स्वास्थ्य कार्यालय प्यूठानको आयोजना तथा विराट नेपाल मेडिकल ट्रस्ट ( वि एन एम टि ) को प्राविधिक सहयोगमा मंगलवार भएको कार्यक्रममा समुदायमा रहेको सुसुप्त क्षयरोगको संक्रमणका विरामीको उपचार सम्वन्धी स्वास्थ्यकर्मीहरुलाइ तालिम दिएको थियो ।
तालिमको सहजिकरण गर्दै प्यूठान अस्पतालका जनरल फिजिसियन डाक्टर गोविन्द रावतले टिवि संक्रमित भएका व्यतिmको नजिक रहेका व्यक्तिसंग यो रोग हुने बताए । कुनै पनि लक्षण देखा नपर्ने यो रोगको उपचारमा नेपाल सरकारले नया नीति लिएको वताए । उनले संक्रमितको छालामा Tuberculin skin test र रगतमा IGRA टिवीको जाच गरि उपचार गर्ने विधि रहेको बताए ।
नेपालको २ वटा जिल्ला चितवन र प्यूठान जिल्लामा विएनएमटी नेपाल माफर्त संचालन भएको यो कार्यक्रमको मुख्य उदेश्य समुदायमा सुसुप्त रहेका क्षयरोगको पहिचान गरि उनिहरुलाई ३ महिना औसधी सेवन गराई सुसुप्त क्षयरोगको अन्त्य गर्ने कार्यक्रमको मुख्य उदेश्य रहेको विएनएमटी नेपालका परियोजना प्रवन्धक राम नारायण पन्डीतले वताए ।
जिल्लाको प्यूठान नगरपालिका र स्वर्गद्धारी नगरपालिकामा थ्रि एच पि कार्यक्रम संचालनमा रहेको छ । आगामी दिनमा जिल्लाका सवै पालिकाहरुमा यो कार्यक्रम लैजान पहल गरिने उनले बताए ।
विरामीको शरिरमा रहेको रोगको सुसुप्त किटाणु शरिर भित्रै मार्नका लागीे थ्रि एच पि औसधी सेवन गर्ने विराट नेपाल मेडिकल ट्रस्ट ( वि एन एम टि नेपाल ) प्यूठानका कार्यक्रम संयोजक शिखर गौतमले जानकारी दिए ।
कार्यक्रममा स्वर्गद्धारी र प्यूठान नगरपालिकाका डट्स सेन्टरका स्वास्थ्यकर्मी, प्रयोगशालाका स्वास्थ्यकर्मी , प्यूठान अस्पतालका मेसु , स्वास्थ्य कार्यालय प्यूठानका निमित्त प्रमुख मदुसुदन खड्का , विएनएमटी नेपालका कार्यकारी निर्देशक रघु धिताल , विएन एम टि का राष्ट्रिय कोडिनेटर ज्ञानेन्द्र श्रेष्ठ ,परियोजना प्रवन्धक राम नारायण पन्डीत , अनुसन्धान विज्ञ डाक्टर म्याक्स कज , राष्ट्रिय क्षयरोग नियन्त्रण केन्द्र काठमाण्डौका योजना अनुगमन प्रमुख विर बहादुर रावल लगायतको उपस्थिती रहेको थियो ।
रोटरी क्लव अफ काठमाण्डौको समन्वयमा भएको कार्यक्रमको संचालन स्वास्थ्य कार्यालय प्यूठानका जनस्वास्थ्य निरिक्षक राजु कुमार खड्काले गरेका थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
