नेपाली लोक दोहोरी गीत संगीतको क्षेत्रमा सर्वाधिक रूचाइएको नाम तथा गायक हुन बिमलराज क्षेत्री उनी विगत लामो समयदेखि नै गीत संगीतको मैदानमा अहोरात्र खटिरहेका छन ।

उनको स्वरमा रहेका सयौं गीत सांगीतिक बजारमा लोकप्रिय बनेका पनि छन । उनैै गायक क्षेत्री पछिल्लो समय एउटा शसक्त प्रस्तुति लिएर दर्शक श्रोता सामु आएका छन । आउने मात्र हैन फेरि धेरै दर्शक श्रोताको माया पनि पाएका छन । जुन गीत हो “बुट्टे रुमाल” ।

गीतको नामांकित विगतमा निकै चर्चा पाएको गीत सुपारी चाम्रो संग जोडेर त्यसकै भाग २ बनाइएको छ । लोकप्रिय, व्यस्त एवम सफल अझ भनाै सबै खाले गीत संगीतको सृजनामा एकछत्र राज गरिरहनु भएका सर्जक एकनारायण भण्डारीको उत्कृष्ट शब्द संगीत रहेको यस गीतमा आवाज विमलराज क्षेत्री र लोकप्रिय गायिका अञ्जु पन्तको स्वर रहेको छ ।

बरिस्ठ संगीतकार एवम् एरेन्जर (संगीत संयोजक) बिबि अनुरागीले संगीत संयोजन गर्नुभएको यस गीतको अडियो सम्पादन चर्चित ध्वनि सम्पादक एवम् साउण्ड ईन्जिनियर श्यामश्वेत रसाइलीले गर्नुभएको हो भने रेकर्डिङ प्रिज्म डिजिटल स्टुडियोमा गरिएको गायक क्षेत्रीले जानकारी दिएका छन ।

अझ गीतलाई अझैै उत्कृष्ट र फरक  बनाउनकाा लागि  प्रियंका कार्कीलाई नृत्यमा समावेश गरिएको छ भने प्रियंकालाई गम्भीर बिष्टले साथ दिएका छन, म्यूजिक भिडियोको कोरियोग्राफर पनि बिष्ट नै हुन ।

ज्ञानेन्द्र शर्माको छायांकन र नविन निरौलाको सम्पादनमा भिडियो तयार पारिएको छ। मौलिक नेपाली शब्दलाई डान्सिङ बिटमा तयार गरीएको यो गीतले सबैको मन जित्न समेत सफल भएको छ ।

दोहोरी गीतका स्रोतामाझ अत्यन्त प्रिय यि गायकका बल्लै भो भेट, सुपारी राम्रो, डुल्छु रनबन, रानि घाटैमा, एक्लो परानी, औठी कुसैको, हिमाल सेतैछ, मागे जति वर्दान पाको भा, जापान टोकियो लगायतका गीतहरु दशक अघि देखी आज सम्म पनि उत्तीकै लोकप्रिय गीतहरु हुन, गीतले युटुबमा मात्रै ५ लाख भन्दा बढी दर्शक पाइसकेको छ । गीत अझै सफल बनोस् हाम्रो पनि शुभकामना ।

बाकी पूरा भिडियोबाट हेर्नुहोस :