प्यूठान , प्यूठानका विभिन्न स्थानमा बेवारिसे पाँच शव फेला परेका छन्।
प्यूठानको माडी र लुङ्ग्री खोलाको किनारमा ५ जनाको बेवारिसे शव फेला परेको प्रहरीले जनाएको छ ।गयराती रोल्पामा गएको पहिरोमा परी बेपत्ता भएकाहरुको शव खोलाले बगाएर ल्याएको हुनसक्ने आशंका गरिएको छ।
जिल्ला प्रहरी कार्यालय प्यूठानका अनुसार स्वर्गद्वारी नगरपालिका–९ जुडापाटास्थित माडी खोलाको किनारमा नाम, थर र वतन नखुलेका करिब १२÷१३ वर्षका बालकको शव फेला परेको छ।

त्यस्तै, स्वर्गद्वारी नगरपालिका–३ किमिचौरस्थित माडी खोलाको किनारमा पुरुषको शव फेला, त्यस्तै वडा नं. ४ गोठीबाङस्थित माडी खोलाको किनारमा महिलाको शव फेला र स्वर्गद्वारी नगरपालिका–५ सरोजास्थित लुङ्ग्री खोलाको किनारमा समेत नाम, थर र वतन नखुलेकी महिलाको शव फेला परेको प्रहरीले जनाएको छ। त्यस्तै जिल्ला प्युठान स्वर्गद्वारी नगरपालिका –०५ सरोजा स्थित लुङ्ग्री खोलाको किनारमा पनि नाम, थर र वतन नखुलेको महिलाको शव फेला परेको प्रहरीले जनाएको छ। शवहरूको पहिचान तथा घटनाको थप अनुसन्धान भइरहेको प्रहरीको भनाई छ ।