१२ मंसिर, प्यूठानराष्ट्रिय जनमोर्चा प्यूठानले प्यूठान जिल्लामा हुने उपनिर्वाचनमा केन्द्रीय सहमति वमोजिम आाफ्ना उम्मेद्वार नभएका स्थानमा नेकपाका उम्मेद्वारलाई मतदान गर्न आफ्ना नेता-कार्यकर्तालाई निर्देशन दिएको छ।
ऐरावती गांउपालिका वर्डा नं २ मा नेकपाका कार्यकर्ताले स्वतन्त्र उम्मेद्वारी दिएसंगै नेकपा र राष्ट्रिय जनमोर्चाविच केन्द्रमा भएको सहमती प्यूठानमा कार्यन्वयन हुने-नहुनेमा आसंका गरिएको थियो। यध्यपि सहमती उल्लंघन नगर्ने राष्ट्रिय जनमोर्चाले वताएसंगै जिल्लामा छाएको अन्यौलता चिरिएको छ।
“ऐरावती २ मा सहमति उल्लंघन गरेर नेकपाका कार्यकर्ताले स्वतन्त्र उम्मेद्वारी दिएका छन्। यध्यपि राष्ट्रिय जनमोर्चा प्यूठानले केन्द्रमा नेकपासंग भएको सहमती वमोजिम नै अगाडि वढेको छ। हामी विश्वासघात गर्दैनौं।”-राष्ट्रिय जनमोर्चा प्यूठानका अध्यक्ष कृष्ण खड्काले भने।
प्यूठान नगरपालीका २ र ऐरावती १ र २ मा उपनिर्वाचन हुदैछ। राष्ट्रिय जनमोर्चाले वाम गठवन्धनमै मतदान गर्न र नेकपाप्रति विश्वासघात नगर्न कार्यकर्तालाई निर्देशन दिएको छ।
