­कोरोना भाइरस कोभिड १९ को संक्रमणका कारण प्यूठानमा हुने नेवारी परम्परागत जात्रा प्रभावित भएको छ । अहिले नेवार जातिको विभिन्न सांस्कृतिक प्रदर्शनी(जात्रा)हरु हुने समय भए पनि कोरोना संक्रमणका कारण रोकिएको नेवा खल प्यूठानका अध्यक्ष बसन्तलाल शाक्यले बताए ।

मृत्यु भएकाहरुको सम्झनामा गर्नै पर्ने जात्रा स्वास्थ्य मापदण्ड पूरागरी गर्ने निर्णय भएको शाक्यले बताए । यस वर्ष दिवंगत भएका आफन्तको सम्झनामा निकालिने ताराली जात्रा मात्र हुने भएको छ । तारली जात्रा साउन १९ गते रक्षाबन्धनको दिन साझ र भोलिपल्ट छिनीमिनी जात्रा मात्र हुने भएको शाक्यले बताए । नेवारहरुले निकाल्ने लाखे,नागानगेनी,,गाइजाग्रा, रोपाइजात्रा लगायत जात्रा यसपालि ननिकालिने नेवा खल प्यूठानले जनाएको छ ।