कोरोना भाईरस संक्रमण जोखिमलाई मध्यनजर गर्दै प्यूठान नगरपालिका ४ जुम्रीमा दुरी कायम गरेर योगअभ्यास हुने गरेको छ।

सरिरको रोगप्रतिरोध क्षमता वृद्घी गर्न साथै सारिरिक तथा मानसिक स्वास्थ्यका लागि हरेक दिन योगअभ्यास सञ्चालन भैरहेको हो। उध्योग वाणिज्य संघ प्यूठानका वरिष्ठ उपाध्यक्ष एवं समाजसेवी व्यवसायी यज्ञवहादुर के.सी. (प्रभात) को विशेष अगुवाईमा योगअभ्यास सञ्चालित भएको हो। योगअभ्यासको सहजिकरण समेत गरिरहनुभएका के.सि. ले योगले सरिरको रोग प्रतिरोधात्मक क्षमता विकास गर्ने भएकाले नियमित रुपमा योग गरेमा कोरोनासंग लड्ने क्षमतामा पनि वृद्घी हुने वताउनु भयो।