१५ असोज, प्यूठानलायन्स क्लव अफ प्यूठानद्वारा प्यूठान नगरपालीका ४ जुम्रिवजारमा निर्मित प्रतिक्षालय निर्माण कार्य सम्पन्न भएसंगै उद्घाटन गरिएको छ।
लायन्स क्लव ईन्टरनेशनल डिस्ट्रीक ३२५ वि २ नेपाल, एरिया ५, लायन्स क्लव अफ प्यूठनाले निर्माण गरेको प्रतिक्षालयको एम. जे. एफ. डिस्ट्रिक गभर्नर लायन शम्भु नकर्मिले उद्घाटन गर्नुभएको लायन्स क्लव अफ प्यूठानका अध्यक्ष वालाजु श्रेष्ठले जानकारी दिनुभयो।
गभर्नरको Club Visit Programme को क्रममा प्यूठान आउनुभएका नकर्मिले उक्त प्रतिक्षालयको उद्घाटन गर्नुभएको हो। नकर्मिले प्यूठान शाखाले सामाजिक कार्यको सन्दर्भमा उत्कृष्ट कदम चाल्दै लायन्सको विश्वव्यापि अाकर्षणलाई थप उच्च वनाएकोमा प्यूठान शाखालाई धन्यवाद दिनुभयो। लायन्स क्लव अफ प्यूठानले विपदमा उद्घार तथा राहत, रक्तदान, सामाजिक कार्यहरुलाई विशेष महत्वका साथ अघि वढाएको प्यूठान शाखाका अध्यक्ष वालाजु श्रेष्ठले वताउनु भयो।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
