बासुदेव गिरीचैत ६ प्युठान
चैत ६ प्युठानझिमरुक गाउँपालिका-३ का १५ जना जेष्ठ नागरिक सम्मानित भएका छन् । वडा कार्यालयले उनीहरुलाई विहीबार एक कार्यक्रम गरि सम्मान गरेको हो ।
७० वर्ष उमेर माथीका १५ जना जेष्ठ नागरिकलाई वडाले सम्मान गरेको वडा अध्यक्ष मिन बहादुर खत्रीले बताए । ‘सम्मान सहित उहाँहरुलाई एकरएक थान बल्यान्केट दिइएको छ,’ अध्यक्ष खत्रीले भने,‘वार्षिक कार्यक्रम मार्फत यो कार्यक्रम गरिएको हो ।’
वडा कार्यालयले आफूहरुलाई सम्मान गर्दा जेष्ठ नागरिक खुशी भएका छन् । उनीहरुले स्थानीय सरकारले जेष्ठ नागरिकलाई गरेको सम्मान कार्यक्रम निरन्तरता दिन समेत आग्रह गरेका छन् ।
कार्यक्रममा जेष्ठ नागरिकलाई खीर र फलफुल खुवाइएको वडा सचिव इश्वरी पाण्डेले बताए । यसैगरि वडाका अपाङ्गता भएका क वर्गका व्यक्तिलाई सम्मान गर्ने कार्यक्रम रहेको समेत उनले जानकारी दिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
