झुलेनी संवाददाता११ भाद्र २०७८ प्यूठान
११ भाद्र २०७८ प्यूठानबंगलाचुली गाउँपालिकामा गएराती देखि परेको अविरल बर्षाका कारण पहिरो जाँदा ५ घर घरपरिवार बिस्थापित भएका छ । सो गाउँपालिका वडा नं. २ टाकुराको धरमपानी टोलका ५ घर परिवार बिस्थापित भएका होे ।
बिस्थापित हुनेमा दिल बहादुर घर्ती, भिम बहादुर घर्ती, पाराश्वर पुन, तेजबहादुर सार्की, होमबहादुर घर्ती सहित ५ परिवारका २२ जना रहेको वडा सदस्य भिमकुमार बुढाले जानकारी दिनुभयो ।
दिलबहादुर घर्तीको परिवारलाई जनता आवास घर बेडि पोखरामा सारिएको छ भने अन्य ४ परिवारलाई पनि अन्यत्रै सार्ने तयारी भएको उनको भनाई छ । पहिरोका कारण दिलबहादुरको घर भासीएको छ भने अन्य ४ घर बस्न नमिल्ने गरि चिरा परेको बुढाले बताउनुभयो ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
