१५ असार प्यूठानसुचनाको हकको ऐन निर्माण भएको दशक वितिसक्दा पनि सुचनाको हकको सहि अभ्यास हुन नसकेको सुचनाको हकसंग सम्वद्ध सरोकारवालाहरुले वताएका छन्।
राष्टिय सुचना आयोग काठमाण्डौको सहयोग र नेपाल पत्रकार महासंघ जिल्ला शाखा प्यूठानको आयोजनामा भएको कार्यक्रममा सहभागिहरुले सुचनाको हकको सहि प्रचलन र त्यसको आवश्यकताअनुसार प्रवद्र्धन हुन नसकेको वताए।
कार्यक्रमका प्रमुख अथिती नेपाल पत्रकार महासंघ प्रदेश नं ५ का उपाध्यक्ष दिपा घर्तिले सुचनाको हकको प्रयोग पत्रकारले मात्र नभएर आम नागरिकले गर्न सकेमा मात्र मुलुकमा सुशासन प्रवद्र्धन हुने वताउनु भयो। सुचनाको हकको वर्तमान प्रचलनलाई प्रवद्र्धन गर्नुपर्ने आवश्यक रहेको उहाँको भनाई छ।
कार्यक्रमको सहजिकरण गर्दै नेपाल पत्रकार महासंघ प्यूठानका पुर्व अध्यक्ष शुसिल पोख्रेलले सुचना पुर्ण रुपमा प्रदान नगरिने, सुचनाको माग पनि सरोकारवालाले पद्धतिवमोजिम नगर्ने समस्यालाई चिर्न सेवाप्रदायकले जवाफदेहिता र सेवाग्राहिले विधिको प्रयोग गरि सुचना माग गर्नुपर्ने वताउनु भयो।
सामुदायिक रेडियो प्रशारक संघ (अकोराव) का प्रदेश नं ५ का कोषाध्यक्ष कृष्णभक्त गिरी, नेपाल पत्रकार महासंघ प्यूठानका निवर्तमान उपाध्यक्ष टिकाराम पोख्रेल लगायत जिल्लाका पत्रकारहरुको उपस्थिती रहेको कार्यक्रम नेपाल पत्रकार महासंघ जिल्ला शाखा प्यूठानका अध्यक्ष महाविर रानाको अध्यक्षतामा सम्पन्न भएको थियो।
जिल्लामा सुचनाको हकको प्रचलन अत्यन्तै कमजोर रहेको छ। अधिकांस सार्वजनीक निकायहरुमा औचारीक रुपमा निवेदन दिएर सुचना माग्ने अभ्यास अत्यन्तै कम छ।
