रोल्पामा आइतवार बिहान जीप दुर्घटना हुदा चालक सहित ३ जनाको ज्यान गएको छ । ज्यान जानेमा हुनेमा दुई पुरुष र एक महिला रहेका छन।

आज बिहान करिव ११ बजे पिकअप जीप दुर्घटना भएको जिल्ला प्रहरी कार्यालय रोल्पाले जनाएको छ । जिपमा सवार तिनै जनाको घटनास्थलमै ज्यान गएको हो । घाइते ३ जनालाइ उपचारका लागि घर्तिगाउँको सुनिल स्मृती अस्पताल लगिएको छ । जीपमा चालक सहित ६ जना सवार रहेका थिए ।

माडी गाउँपालिका ६ हान्निङबाट घर्ती गाउँ तर्फ जाँदै गरेको रा १ ज ३८२ नंम्वरको पिक अप जीप दुर्घटनामा परेको हो। मृत्यु हुनेहरुको सनाखत बाँकी रहेको प्रहरीको भनाइ छ ।

माडी गाउँपालिका ६ को २१ वर्षिय विना घर्तिमगर, सोही ठाउँका १८ वर्षिय लिन पुन मगर र ६१ वर्षिय पञ्चना विक गम्भिर भएको र उनिहरुलाई उपचारका लागी अन्यत्र लैजाने तयारी भैरहेको छ ।

कच्चि सडक र घुमाउरो मोड भएको कारण दुर्घटना भएको हुनसक्ने बताइएको छ ।