२०७८ मंसिर ०६स्वास्थ्य कार्यालय प्यूठानले सञ्चारकर्मीहरुका लागि अभिमुखिकरण तथा अन्तरक्रिया कार्यक्रम गरेको छ । सोमबार कोभिड–१९ बारे जिल्लाको पछिल्लो अवस्था र अभियानको छलफल भएको छ ।
यहि मंसिर ९ गतेदेखि १५ गतेसम्म एस्ट्राजेनिका खोपको पहिलो मात्रा र एस्ट्राजेनिका र भेरोशिल खोपको दोस्रो मात्रा लगाउन छुटेकाहरुलाई दोस्रो मात्रा खोप लगाईने भएको छ । जिल्लाका २ सय ७० खोप केन्द्रबाट १ लाख १ सय ७६ जनालाई यस अभियानमा खोप लगाइने स्वास्थ्य कार्यालय प्यूठानका प्रमुख मधुसुदन खड्काले जानकारी दिए ।
सञ्चालन हुने खोप अभियानमा ९५ हजार ५ सय खोप स्थानीय तहहरुलाई पठाइने भएको छ । यो संगै जिल्लामा कोभिड–१९ संक्रमणको अवस्था बारे पनि स्वास्थ्य कार्यालय प्रमुख खड्काले जानकारी दिएका थिए । जिल्लाभर ६ हजार ९ सय १३ पिसिआर र ७ हजार ४ सय ११ एन्टिजेल विधिबाट परिक्षण गरिएको थियो । परिक्षण पश्चात पिसिआर माध्यमबाट १ हजार २ सय २५ र एन्टिजेल माध्यमबाट २ हजार ७ सय २६ जनामा पोजेटिभ देखिएको थियो । अहिलेसम्म जिल्लाभर पुरुष ६० र महिला २९ गरि ८९ जनाको मृत्यु भएको छ भने ५ जना सक्रिय सक्रमित रहेका छन् ।
खड्काले पत्रकारहरुलाई यो अभियानको व्यापक प्रचार गरि सबै नागरिक सामु सुचना पु¥याउन आग्रह गर्दै जिल्ला कोभिड–१९ खोप समन्वय तथा अनुगमन समिति, प्यूठानले एस्ट्राजेनिका खोप अभियान पछि घर–घरमा गएर अनुगमन समेत गर्ने भएको छ ।
