![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2021/11/243200286_138503065171828_2939553668603897047_n-711x400.jpg)
जिल्ला निर्वाचन कार्यालय प्यूठानले मतदाता नामावली संकलन सम्बन्धी सोमवार पत्रकारहरुसँग अन्तरक्रिया कार्यक्रम सम्पन्न गरेको छ । शुक्रवारदेखि जिल्लाका स्थानीय तहमा २ चरणमा मतदाता नामावली संकलन गरीने कार्यालय प्रमुख राजन श्रीवास्तवले जानकारी दिए ।
उनका अनुसार स्वर्गद्वारी नगरपालिका, सरुमारानी गाउँपालिका, गौमुखी गाउापालिका र झिमरुक गाउँपालिकामा शुक्रवारदेखि १० दिन गाउँपालिकामा गएर नामावली संकलन गरीनेछ । त्यसैगरी दोस्रो चरणमा मंसीर २९ गतेदेखि माण्डवी गाउँपालिका, ऐरावती गाउँपालिका, नौबहिनी गाउँपालिका र प्यूठान नगरपालिकामा दोस्रो चरणमा नामावली संकलन गरीने अन्तरक्रिया कार्यक्रममा जानकारी गराइएको छ ।
मल्लरानी गाउँपालिकामा भने जिल्ला निर्वाचन कार्यालय तथा समदर मुकाम भएकाले कार्यालयबाटै नामावली संकलन गरीने भएको छ । गाउँपालिका स्तरमा नामावली संकलनका लागि निर्वाचन कार्यालयबाट १ जना अपरेटर र गाउँपालिकाबाट ३ जना सहयोगी खटाइने भएको छ ।
अहिले नागरिकता लिएर बसेका तर मतदाता नामावलीमा नाम छुटेहरुको मात्र संकलन गरीने कार्यालय प्रमुख श्रीवास्तवले जानकारी दिए । मतदाता नामावली संशोधन र ठाउँसारी गर्नुपर्ने भएमा जिल्ला निर्वाचन कार्यालयमै आवश्यक कागजात लगेर जानुपर्नेछ। नेपालभर नामावली संकलन गर्ने कार्य भइरहेको पढाई र रोजगारको शिलशिलामा जिल्ला बाहिर रहेकाहरुले पनि आफू बस्ने जिल्ला कार्यालयमै गएर नामावली भर्न सक्ने व्यवस्था भएको कार्यालयले जनाएको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)