साना वालवालिकाहरुलाई विद्यालयमा आकर्षित गर्न उनीहरु खेल्नका लागि कक्षाकोठामै चिप्लेटी र साईकल राखिएको छ। विद्यालय जाने वानी वसाउनका लागि वालवालिकाहरुका लागि कक्षाकोठाभित्रै चिप्लेटी, साईकल र टेलिभिजन राखिएको हो। माण्डवी गाँउपालिकामा रहेको माण्डवी मा. वि. नयाँगाउँमा ५ वर्षसम्मका बालबालिका पालैपालो कक्षाकोठामै साईकल चलाउने, टिभि हेर्ने र पालैपालो चिप्लेटीमा रमाउने गर्दछन्।

ति सामान ल्याएपछि वालवालिका कक्षाकोठामै रमाउने गरेको विद्यालयकी शिक्षिका भगवता कार्कीले वताउनु भयो। साना नानीवावु विद्यालय आउने वानी वसाउनका लागि खेलकुद सामाग्री सहयोगी वनेका छन्। पहिले कक्षामा आउनेवित्तिकै घर फर्किन खोज्ने वालवालिकाहरु ति सामाग्री ल्याएपछि विद्यालयमै वस्न मन पराउने गरेको प्लेग्रुपमा वालवालिकासंगै रहेकी शिक्षिका गोमा अधिकारीले वताउनु भयो।

टेलिभिजन हेर्दै पढ्दै वालवालीका

प्लेग्रुपमा अहिले ३३ जना विद्यार्थी रहेका छन्। वालवालिकालाई खेल्दै सिक्दै गर्न प्रेरित गर्ने उद्धेश्यले ति सामाग्री भित्राएको विद्यालयका प्रधानाध्यापक मेघराज पौडेलले वताउनु भयो। साथै सहजकर्ताको वालवालिकामैत्री व्यवहारको निगरानी र मुल्यांकनका लागि कक्षाकोठामा सिसिटिभी क्यामेरा पनि जडान गरिएको छ। सहजकर्ता(शिक्षक)को वालवालिकाहरुसंगको व्यवहार हेरेर उनीहरुलाई थप सल्लाह दिने गरिएको प्रधानाध्यापक पौडेलले वताउनु भयो।

चिप्लेटीमा रमाउदै वालवालीका

वालवालीकालाई पढाईमा ध्यान केन्द्रित गर्न कक्षाकोठामा टेलिभिजन पनि जडान गरिएको छ। उनिहरु टेलिभिजन हेदै पढ्दै गर्दछन्। हेर्नुहोस तल रहेको भिडियो कसरी उनिहरु रमाउदै पढ्दै गरिरहेका छन्।